ប្រិយមិត្ត​ Sabay ភាគ​ច្រើន នៅ​តែ​ទស្សន៍ទាយ​ថា​ Cristiano Ronaldo នឹង​ឈ្នះ​ពាន FIFA Ballon d'Or ឆ្នាំ​២០១៤​នេះ។ នៅ​ចាំ​បាន​ថា​កាល​ពី​ឆ្នាំ​២០១៣​កន្លង​ទៅ ក៏​មាន​អ្នក​ព្យាករណ៍​​ភាគ​ច្រើន​ថា​ CR7 ជា​អ្នក​ឈ្នះ​ដែរ ហើយ​ទី​បំផុត​កីឡាករ​ជម្រើស​ជាតិ​ព័រទុយហ្គាល់ និង​​ក្រុម Real Madrid រូប​នេះ​ ពិត​ជា​ឈ្នះ​ដូច​ការ​រំពឹង​ទុក​មែន។

ចុះ​ចំណែក​ឆ្នាំ​នេះ​វិញ តើ Ronaldo នឹង​ឈ្នះ​ដូច​ការ​ទស្សន៍ទាយ​ភាគ​ច្រើន​របស់​ប្រិយមិត្ត​ Sabay ដែរ​ឬ​ទេ?

Ronaldo ពេល​ឡើង​ទទួល​ពាន​​កីឡាករ​ល្អ​រដូវ​កាល​មុន នៅ La Liga យប់​មិញ

នៅ​ក្នុង​អត្ថបទ​​ចំនួន​៣ របស់ Sabay ដែល​ទាក់ទង​នឹង Ballon d'Or មាន​អ្នក​ចូល Comment ភាគ​ច្រើន បាន​ទាយ​ថា Ronaldo នឹង​ឈ្នះ​ពាន​​នេះ​នៅ​ឆ្នាំ​នេះ​ទៀត។ ចុច​ត្រង់​នេះ ដើម្បី​ចូល​ទៅ​កាន់​អត្ថបទ​ទាំង​នោះ

​បេក្ខភាព​ទាំង​​២៣នាក់​​​ដែល FIFA បញ្ចេញ​ឲ្យ​ដឹង​ថ្ងៃ​នេះ​ រួម​​មាន​​កីឡាករ​អាល្លឺម៉ង់​៦នាក់ (Mario Goetze, Toni Kroos, Philipp Lahm, Thomas Mueller, Manuel Neuer, Bastian Schweinsteiger), កីឡាករ​អេស្ប៉ាញ​​៣នាក់ (Diego Costa, Andres Iniesta, Sergio Ramos), អាហ្សង់ទីន​៣នាក់ (Lionel Messi, Angel Di Maria, Javier Mascherano), បែលហ្សិក​២នាក់ (Thibaut Courtois, Eden Hazard), បារាំង​២នាក់ (Karim Benzema, Paul Pogba), វែល ១នាក់ (Gareth Bale), ព័រទុយហ្គាល់ ១នាក់ (Cristiano Ronaldo), ស៊ុយអែត ១នាក់ (Zlatan Ibrahimovic), ប្រេស៊ីល ១នាក់ (Neymar), ហុល្លង់ ១នាក់ (Arjen Robben), កូឡុំប៊ី ១នាក់ (James Rodriguez) និង​កូឌីវ័រ ១នាក់ (Yaya Toure)។

បេក្ខភាព​៣នាក់​ចុង​ក្រោយ នឹង​ត្រូវ​ដឹង​នៅ​ថ្ងៃ​ទី​១ ខែ​ធ្នូ​ខាង​មុខ ខណៈ​លទ្ធផល​អ្នក​ឈ្នះ​ចុង​ក្រោយ នឹង​​ប្រកាស​ក្នុង​កម្មវិធី FIFA Ballon d’Or gala ដែល​រៀប​ចំ​នៅ​ទីក្រុង Zurich ប្រទេស​ស្វីស នា​ថ្ងៃ​ទី​១២ ខែ​មករា ឆ្នាំ​២០១៥។

អ្នក​ដែល​ជ្រើសរើស​បេក្ខភាព​ទាំង​២៣ខាង​លើ​ គឺ​ជា​អ្នក​ជំនាញ​របស់​ FIFA និង​​ទស្សនាវដ្ដី​បារាំង France Football។ ចំណែក​អ្នក​ដែល​មាន​សិទ្ធិ​បោះឆ្នោត​​ឲ្យ​បេក្ខភាព​ទាំង​នោះ គឺ​​អ្នក​សារព័ត៌មាន​ដែល​ត្រូវ​បាន​ជ្រើសរើស​​​​ គ្រូ​បង្វឹក​ជម្រើស​ជាតិ និង​ប្រធាន​ក្រុម​ជម្រើស​ជាតិ​ទាំង​អស់​របស់​ប្រទេស​សមាជិក​ FIFA។

តោះ​! ចូល​រួម​យោបល់​ទាំង​អស់​គ្នា ថា​តើ​កីឡាករ​ណា​នឹង​ឈ្នះ​ FIFA Ballon d'Or ឆ្នាំ​២០១៤​នេះ?

ចុច​អាន៖ បេក្ខភាព​​២៣​នាក់​ដណ្ដើម​ពាន​​ FIFA Ballon d’Or ចេញ​ហើយ

ដោយ៖ សុខ សុវត្ថិ