ស្នាដៃរបាំសហសម័យអង្គការអម្រឹតាសិល្បៈចំនួន ២ ដាក់បង្ហាញល្ងាចមិញ

2016-06-04 19:07:49
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានស្នាដៃរបាំសហសម័យចំនួន ២ ត្រូវបានដាក់បង្ហាញក្នុងវេទិការបាំសហសម័យរៀបចំឡើងដោយអង្គការអម្រឹតាសិល្បៈ ដោយមានការចូលរួមពីភ្ញៀវជាតិ និងអន្តរជាតិជាច្រើន។

លោក គង់ រិទ្ធិ សាល នាយកប្រតិបត្តិអង្គការនេះបាននិយាយថា ការបង្កើតវេទិការបាំសហសម័យក្នុងគោលបំណងលើទឹកចិត្ត និងផ្ដល់ឱកាសដល់សិល្បករ-សិល្បការិនីក្នុងការដំឡើងស្នាដៃរបាំថ្មីរបស់ពួកគេ។

លោកបន្តថា កន្លងមកអង្គការធ្លាប់បានអញ្ជើញអ្នកជំនាញផ្នែករបាំមកពីបណ្ដាប្រទេសអាស៊ី ឬសហរដ្ឋអាមេរិកជាដើម ដើម្បីចែករំលែកបទពិសោធន៍ស្នាដៃសហសម័យដល់សិល្បករ-សិល្បការិនីនៅកម្ពុជា។ លោកបន្តថា ជាលទ្ធផលមាន ស្នាដៃសហសម័យជាច្រើនបានបង្កើតឡើង។ ស្នាដៃរបាំសហសម័យទាំងនោះ ត្រូវបានសម្ដែងនៅប្រទេសកម្ពុជា និងប្រទេសជាច្រើនទៀត។

នាយកប្រតិបត្តិរូបនេះឱ្យដឹងទៀតថា យ៉ាងហោចណាស់ មានវេទិការបាំសហសម័យចំនួន៦ដងហើយក្នុងរយៈ៣ឆ្នាំកន្លងមកនេះ ហើយមានសិល្បករប្រមាណ ១០រូបបានដំឡើងស្នាដៃថ្មីរបាំសហសម័យរបស់ពួកគេ ដែលបង្ហាញឱ្យឃើញពីការរីកចម្រើនផ្នែកសមត្ថភាពលើទម្រង់នាថ កម្ម និងភាពជាអ្នកដឹកនាំផងដែរ៕