បើកឆាក Euro យប់មិញ បារាំង ស៊ីរ៉ូម៉ានី តឹងបំផុត
- 2016-06-11 16:03:50
- ចំនួនមតិ 0 | ចំនួនចែករំលែក 0
បើកឆាក Euro យប់មិញ បារាំង ស៊ីរ៉ូម៉ានី តឹងបំផុត
ចន្លោះមិនឃើញ
ព្រឹត្តិការណ៍ Euro 2016 បានចាប់ផ្ដើមហើយកាលពីយប់មិញនេះ ដោយគូបើកឆាកមុនគេគឺម្ចាស់ផ្ទះបារាំងបានយកឈ្នះក្រុមរ៉ូម៉ានី ២-១ ហើយកីឡាករ Dimitri Payet ជាតួឯកសម្រាប់ក្រុមជម្រើសជាតិបារាំង។
Olivier Giroud ជាអ្នកបើកគណនីរកគ្រាប់បាល់បានមុនគេ ឱ្យក្រុមជម្រើសជាតិបារាំងនៅនាទី៥៧ ប៉ុន្តែឈានដល់នាទី៦៥ Patrice Evra បានបង្កកំហុសក្នុងតំបន់គ្រោះថ្នាក់ទៅលើកីឡាករ Nicolae Stanciu ដែលធ្វើឱ្យក្រុមរ៉ូម៉ានី រកបានមួយគ្រាប់វិញដោយបាល់ពិន័យ១១ម៉ែត្រ។ លទ្ធផល ១-១ នេះបានធ្វើឱ្យការប្រកួតកាន់តែជក់ចិត្តបន្ថែមទៀតហើយ ព្រោះម្ចាស់ផ្ទះបារាំងត្រូវការជ័យជម្នះក្នុងប្រកួតដំបូងរបស់ខ្លួន។
ឈានចូលមកដល់នាទី៨៩ ខ្សែប្រយុទ្ធ Payet ដែលល្បីខាងទាត់បាល់ហ្វ្រីឃីតមិនសំចៃជើងនោះ បានស៊ុតពីចម្ងាយមួយគ្រាប់បញ្ចូលទីយ៉ាងស្អាត ជួយឱ្យក្រុមមាន់គកបារាំងរកបាន៣ពិន្ទុក្នុងប្រកួតបើកឆាករបស់ខ្លួន។
អត្ថបទ៖ មុន្នី រម្យ រូបភាព៖ AFP