១០ឆ្នាំទៀត វិស័យដីធ្លីនៅកម្ពុជានៅតែមានសន្ទុះ
- 2016-06-17 16:56:26
- ចំនួនមតិ 0 | ចំនួនចែករំលែក 0
១០ឆ្នាំទៀត វិស័យដីធ្លីនៅកម្ពុជានៅតែមានសន្ទុះ
ចន្លោះមិនឃើញ
អ្នកជំនាញអចលនទ្រព្យបានអះអាងថា វិស័យដីធ្លីនៅកម្ពុជាមិនដើរថយក្រោយទេពោលគឺនៅតែរឹងមាំ ទោះ១០ឆ្នាំខាងមុខទៀតក៏ដោយ។
លោក គឹម ហ៊ាង ប្រធានក្រុមហ៊ុន Khmer Real Estate បានបញ្ជាក់ថា រៀងរាល់ឆ្នាំមានបរទេសជាច្រើនមករកស៊ីក្នុងស្រុកខ្មែរ ហើយមនុស្សរាប់សែននាក់ផ្លាស់មករស់នៅភ្នំពេញ មករៀន ឬធ្វើការជាដើម។ ដូច្នេះ ពួកគេត្រូវការផ្ទះ និងខុនដូរស់នៅ ធ្វើឲ្យតម្រូវការផ្ទះសម្បែងច្រើន នាំឲ្យត្រូវការដីដើម្បីសាងសង់ក៏ច្រើនដែរ។ ដូច្នេះតម្លៃដីធ្លីមិនចុះនោះទេ។
លោកថា សម្រាប់ឆ្នាំ២០១៦នេះ អាចជាឆ្នាំពិបាកលក់ចេញ តែមិនជាប់គាំងឡើយ។ បើម្ចាស់ដីព្រួយបារម្ភថា ២០១៦នេះលក់មិនចេញនោះមិនចោទជាបញ្ហាឡើយ អាចបន្តលក់ទៅ២០១៨ ឬ២០១៩ ហើយតម្លៃនឹងអាចថ្លៃលើសដើមក៏ថាបាន។
ថ្មីៗនេះ បើក្រឡេកមើលតម្លៃដីនៅខណ្ឌដង្កោវិញ កំពុងមានហាងឆេងហក់ឡើងខ្ពស់ជាងមុន។ប្រជាជនរស់នៅភាគខាងលិចទីក្រុងភ្នំពេញនេះ ហាក់មានការភ្ញាក់ផ្អើលខណៈហាងឆេងដីរបស់ពួកគាត់ធ្លាប់តែដាក់លក់ក្នុងតម្លៃក្រោម ៥០ ដុល្លារក្នុងមួយម៉ែត្រការ៉េ ឥឡូវនេះមានអ្នកហ៊ានទិញ លើសពី ១០០ ដុល្លារក្នុងមួយម៉ែត្រការ៉េទៀតផង។
សម្រាប់លោក ចេង ខេង ប្រធានក្រុមហ៊ុនអចលនទ្រព្យ CPL ក៏សម្ដែងនូវភាពសុទិដ្ឋិនិយមចំពោះវិស័យអចលនទ្រព្យនៅកម្ពុជាផងដែរ៕
អត្ថបទ៖ លឹម សុនា