មេឆ្មាគួរឲ្យអាណិត ប្រឹងសង្គ្រោះជីវិតកូនដេកស្លាប់លើដងផ្លូវ
- 2016-06-21 14:57:29
- ចំនួនមតិ 0 | ចំនួនចែករំលែក 0
មេឆ្មាគួរឲ្យអាណិត ប្រឹងសង្គ្រោះជីវិតកូនដេកស្លាប់លើដងផ្លូវ
ចន្លោះមិនឃើញ
គ្មានអ្វីឈឺចាប់ជាងបាត់បង់កូនជាទីស្រឡាញ់នៅចំពោះមុខឡើយ ហើយសូម្បីតែសត្វឆ្មាក៏មានក្តីស្រឡាញ់ចំពោះកូនដូចគ្នា។ មេឆ្មាគួរឲ្យអាណិតមួយក្បាល ព្យាយាមជួយសង្ក្រោះជីវិតកូនទាំងពីររបស់ខ្លួន ក្រោយត្រូវចាក់សម្លាប់យ៉ាងអាណោចអាធ័មលើដងផ្លូវ។
កូនឆ្មាដេកស្លាប់លើដងផ្លូវទាំងពីរក្បាល រកឃើញដោយអ្នកស្រី Yang ដែលជាអ្នកទទួលយកឆ្មាម្ចាស់បោះបង់ចោល មកចិញ្ចឹមមើលថែ។ លោកស្រី Yang បានឃើញកូនឆ្មាពីរក្បាលដេកស្លាប់លើដងផ្លូវគួរឲ្យអាសូរ ហើយកាន់តែគួរឲ្យសង្វែគនោះ មេរបស់វាបានព្យាយាមលិឍ បំណងចង់ឲ្យកូនទាំងពីររបស់ខ្លួនរស់។
អ្នកស្រី Yang សង្វេគចំពោះកូនឆ្មាទាំងពីរនោះ ដោយមួយត្រូវបានចាក់ចំពោះ ហើយមួយទៀតត្រូវកាត់ក្បាល ហើយក៏បានយកពួកវាទៅកប់ ទាំងមេរបស់វាសំឡឹងមើលមកដោយភាពឈឺចាប់។
រឿងហេតុកើតឡើងនេះ ក៏ទទួលការចាប់អារម្មណ៍ពីបណ្តាលអ្នកលេងអ៊ីនធឺណិតនៅចិនផងដែរ ហើយបានថ្កោលទោសយ៉ាងខ្លាំងចំពោះអ្នកដែលសម្លាប់កូនឆ្មាគួរឲ្យអាណិតទាំងពិរ។
មិនថាឆ្មា សុនខ និងសត្វចិញ្ចឹមដទៃទៀត សុទ្ធតែជាចង់រស់ និងមានការឈឺចាប់ដោយសារការបាត់បង់ដូចមនុស្សដែរ ហើយពួកវាក៏ជាសត្វស្មោះត្រង់បំផុតចំពោះម្ចាស់៕
ប្រែសម្រួល៖ ប៉ែត ផាន់និត
ប្រភព៖ shanghaiist