ឡានផ្សេងរលត់អស់ ឯឡាន Tesla បើកកាត់ផ្លូវលិចទឹកធ្វើព្រងើយ

2016-06-21 17:30:15
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមតិជាច្រើនងឿងឆ្ងល់ថាតើរថយន្តអគ្គិសនីដូចជា Tesla Model S នឹងទៅជាយ៉ាងណាពេលដែលជួបប្រទះបញ្ហាធំ ដូចជាផ្លូវមានទឹកជន់ជាដើមនោះ។ ជាមួយនឹងវីដេអូថ្មីមួយអាចឆ្លើយបានយ៉ាងក្បោះក្បាយពីសំនួរខាងលើ។

តាមរយៈវីដេអូដែលថតនៅប្រទេស Kazakhstan បានបង្ហាញថារថយន្តអគ្គិសនី Model S អាចបើកកាត់ផ្លូវក្រោមដីដែលមានទឹកជន់ ដោយគ្មានបញ្ហា ស្របពេលដែលរថយន្តដទៃទៀតជាប្រភេទរថយន្តធម្មតាត្រូវស្ថិតនៅមួយកន្លែងព្រោះតែមិនអាចបន្តដំណើរទៅមុខបាន។

ដោយឡែកលោក Elon Musk ដែលជាស្ថាបនិកក្រុមហ៊ុន Tesla បានឃើញវីដេអូនេះ ហើយរំភើបចិត្តជាខ្លាំងពីសមត្ថភាពរថយន្តរបស់ខ្លួន ដោយបានលើកឡើងថា រថយន្តនេះអាចប្រែទៅជាទូកក្នុងរយៈពេលខ្លីបាន។

យោងតាមវិបសាយ Electrek ឲ្យដឹងថា អាគុយរបស់ Tesla Model S ត្រូវបានការពារដោយស្រោបយ៉ាងជិត ប៉ុន្តែការបើកបររថយន្តនេះលើផ្លូវលិចទឹកអាចបង្កបញ្ហាជាច្រើន៕

ចុចអាន៖ រថយន្ត អគ្គិសនី ១១ ម៉ូដែល ត្រៀមចូលទីផ្សារ ឆ្នាំ ២០២០

ប្រែសម្រួល៖ ហៃ សុខហេង ប្រភព៖ CarScoops