Zoomer X កែចេញរាងប្លែកៗចឹង ដឹងអស់ថ្លៃប៉ុន្មានអត់?

2016-06-27 17:12:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូ Zoomer X មួយគ្រឿងជាធម្មតាតម្លៃប្រហែល ២ ០០០ ដុល្លារឬក្រោមនេះតិចតួចប៉ុណ្ណោះ តែបើយកទៅលេង ឬកែឱ្យទាក់ទាញវិញ តម្លៃស្ទើរតែទ្វេមួយជាពីរ។

រូបភាព៖ MiniBIKE Cambodia

លោក ទុន សុវណ្ណឌីដែលជាប្រធានសហគមន៍អ្នកលេងម៉ូតូកម្ពុជា បានប្រាប់ឱ្យដឹងថា ម៉ូតូដែលយុវវ័យស្ទាវៗកំពុងពេញនិយមយកមកកែ លេងម៉ូតភាគច្រើនមាន Zoomer X, MSX, Café, Today, Scopy ជាដើម។ តម្លៃនៃការលេង អាស្រ័យលើសម្ភារៈជាក់ស្ដែង ដូចជាកង់មុខ ឬក្រោយ ១ គ្រាប់តម្លៃប្រហែលពី ៣០០ ទៅ ៤០០ ដុល្លារទៅតាមទំហំកង់។ កង់ល្អ ១គូជាមធ្យមតម្លៃពី ៧០០ ទៅ ១ ០០០ ដុល្លារ បើដៃចង្កូតវិញ តម្លៃចាប់ពី ៣០ ដល់ ១០០ ដុល្លារ ឯចង្កៀងបំភ្លឺវិញ តម្លៃពី ១០០ ដល់ ១៥០ ដុល្លារ។

សរុបមក ម៉ូតូមួយគ្រឿង បើកែបីចំណុចខាងលើនេះ អាចអស់ដល់ខ្ទង់ ១ ៥០០ ទៅ ២ ៥០០ ដុល្លារបន្ថែមទៀតលើតម្លៃដើម តែបើកែ ឬលេងបន្តិចបន្តូចឱ្យមានភាពទាក់ទាញមិនចំណាយខ្ពស់ដូច្នេះទេ។

លោកបានបន្ថែមថា ចំពោះការលេង ឬកែម៉ូតូជាគំនិតច្នៃប្រឌិតបង្កើតអ្វីដែលថ្មី ប៉ុន្តែចំពោះការកែលេងស៊ីម៉ាំងចេញលឺសម្លេងខ្លាំងដូចឡាន ឬកែខុសលក្ខណះបច្ចេកទេសក៏លោកមិនគាំទ្រដែរ និងចង់ឱ្យការលេងម៉ូតូគ្រាន់តែការកម្សាន្តដោយមិនប៉ះពាល់ដល់សិទ្ធិអ្នកដទៃ៕

ចុចអាន៖ ម៉ូតូឥណ្ឌា ផលិតឆ្នាំ ១៩៤៧ ដាក់លក់ ៣ម៉ឺនដុល្លារ

អត្ថបទ៖ រក្សា