ក្រុមបុរាណវិទូអាមេរិកជីកបង្គន់ រកឃើញវត្ថុបុរាណជិត៩ម៉ឺនមុខ
- 2016-07-04 17:50:05
- ចំនួនមតិ 0 | ចំនួនចែករំលែក 0
ក្រុមបុរាណវិទូអាមេរិកជីកបង្គន់ រកឃើញវត្ថុបុរាណជិត៩ម៉ឺនមុខ
ចន្លោះមិនឃើញ
ក្រុមបុរាណវិទូនៅសហរដ្ឋអាមេរិក បានជីកកកាយរកឃើញវត្ថុបុរាណចំនួនជាង ៨៧ ០០០មុខ ដែលត្រូវគេដឹងថាបន្សល់ទុកកាលតាំងពីសម័យបដិវត្តន៍ American Revolution គឺជាង ២៥០ឆ្នាំមុន នៅទីក្រុង Philadelphia។
ក្រុមអ្នកជំនាញ បានធ្វើកំណាយលើបន្ទប់ទឹកសង់ពីដីឥដ្ឋចំនួន ១២កន្លែង ពេលជីកតាមប្លុកចំនួន២ ក្បែរវិមានឯករាជ្យ Independence Hall នៃទីក្រុងខាងលើ។ ការជីកកកាយចាប់ដើមដំណើរការដំបូងក្នុងឆ្នាំ ២០១៤ ។
ក្នុងនោះគេបានរកឃើញចានបែកបាក់ ក្រឡ កែវ ពែង ដប និងគ្រឿងប្រើប្រាស់ច្រើនប្រភេទដូចរូបខាងក្រោម។ អ្វីធ្វើគេចាប់អារម្មណ៍ខ្លាំងជាងគេបំផុតគឺ ចានគោមបែកបាក់មួយមានឆ្លាក់រូបសំពៅ Tryphena ដែលបានធ្វើដំណើរពីទីក្រុង Philadephia ទៅកាន់ទីក្រុង Liverpool ប្រទេសអង់គ្លេស ឆ្នាំ ១៧៦៥។
ក្រុមដដែល បានសន្និដ្ឋានថាវត្ថុរកឃើញទាំងនេះ ទំនងជារបស់ឈ្មួញរកស៊ីក្នុងស្រុក ព្រោះមានតាំងពីសំបកលៀស ដបមានស្រា រហូតដល់ឡេវអាវ។ បន្ថែមលើនោះ គេបានរកឃើញគ្រោងឆ្អឹងសត្វបក្សីចំនួន ៦៦ក្បាល ត្រី និងសត្វ Raccoon ២ក្បាលផងដែរ។ វត្ថុបុរាណទាំងនេះនឹងដាក់តាំងបង្ហាញនៅក្នុងសារមន្ទីរឲ្យសាធារណជនទស្សនា នៅខែមេសាឆ្នាំក្រោយនេះហើយ៕
ចុចអាន៖ បុរាណវិទូបើកគម្របមឈូសអាយុជាង១០០០ឆ្នាំ ឃើញគ្រោងឆ្អឹងមនុស្សនៅល្អឥតខ្ចោះ
ចុចអាន៖ ជីកដីក្បែរកីឡដ្ឋាន ប្រទះឃើញបណ្ដុំផ្នូរបុរាណអាយុជាង៣០០០ឆ្នាំគួរឲ្យភ្ញាក់ផ្អើល
ប្រែសម្រួល៖ ឡេង ភារុណ ប្រភព៖ Huffingtonpost