ដ្រូន Inspire 1 បញ្ជាបានពីរនាក់ ប្តូរកែវឡែនបាន ខ្លាំងជាង Phantom 4 ពីរដង

2016-07-07 18:09:14
ចំនួនមតិ 0 | ចំនួនចែករំលែក 0

ចន្លោះមិនឃើញ

DJI ថ្មីម៉ូដែល Inspire 1 អាចហោះហើរបានឆ្ងាយ និងអាចបញ្ជូនរូបមកវិញបានយ៉ាងច្បាស់ អាចរក្សាលំនឹងរូបភាពបានល្អ កាម៉េរ៉ាអាចដូរកែវឡែនបាន មានស្លាបធំ និងម៉ូទ័រកម្លាំងខ្លាំងធន់នឹងសម្ពាធខ្យល់ជាង Phantom 3 និង 4។

លោក ជេរី ថៃ (Jerry Thai) អ្នកជំនាញបង្ហោះ ដ្រូន (Drone) មួយរូបបានប្រាប់ឱ្យដឹងថា Inspire 1 នេះជា Drone មួយប្រភេទ មានសមត្ថភាពខ្ពស់ក្នុងការហោះហើរ។ វាមានលំនឹងល្អពេលកំពុងហោះ មានល្បឿនលឿន ហោះហើរបានចម្ងាយឆ្ងាយជាងធៀបនិងដ្រូន ដទៃដូចជា Phantom 3 ឬ 4 ជាដើម។

កាន់តែពិសេស Inspire 1 អាចបញ្ជាបានដោយមនុស្សពីរនាក់ ក្នុងការផ្តិតយករូបភាពឬវីដេអូ ៣៦០ ដឺក្រេនៅលើអាកាស ថែមទាំងអាចហោះហើរបានពេលកំពុងមានភ្លៀងទៀតផង។

@តួខ្លួន និងការរចនា

DJI ម៉ូឌែល Inspire 1 ថ្មីនេះមានរាងមាំ តួខ្លួនបំពាក់ដោយដែកអ៊ីណុក និងជើងមានគុណភាពល្អ ងាយស្រួលចាប់កាន់ មានទម្ងន់ប្រហែល ២ គីឡូក្រាម ស្លាប បួន អាចដោះចេញបានក្រោយពេលបង្ហោះរួច។ ដ្រូន នេះហោះបានល្បឿនលឿន ២២ ម៉ែត្រក្នុងមួយវិនាទី និងហោះបានក្នុងរយៈកម្ពស់ខ្ពស់បំផុតដល់ទៅ ២ ០០០ ម៉ែត្រ ធៀបនឹងនីវ៉ូទឹកសមុទ្រ (កម្ពស់ដែលអ្នកបញ្ជាឈរនៅ)។

@សមត្ថភាពកាមេរ៉ា

Inspire 1 បំពាក់ដោយកាមេរ៉ាដែលអាចបង្ហាញរូបភាព និង វីដេអូបានដល់កម្រិត 4K ដោយមានភ្ជាប់មកជាមួយ Len ដែលមាន Aperture កម្រិត 2.8។ ដ្រូននេះ អាចប្តូរកែវឡែនបាន អាចថតវីដេអូប្រភេទ Row Video ឬវីដេអូដែលអាចចាប់ សកម្មភាពផ្សេងៗបានដូចជា សកម្មភាពលេងកីឡាជាដើម ហើយថតបានឆ្ងាយ និងមានកម្រិតល្អៀងត្រឹមតែ ៣០ ដឺក្រេប៉ុណ្ណោះ។

*ចំពោះតម្លៃ Inspire 1 មានតម្លៃប្រហែល ២ ៧០០ ដុល្លារ។

ទស្សនាវីដេអូបង្ហាញលក្ខណះសម្បត្តិរបស់ Inspire 1៖