គម្រោងយក្ស "One Park" នៅតំបន់បឹងកក់ បើកសម្ពោធជាផ្លូវការហើយ
- 2016-07-11 18:00:14
- ចំនួនមតិ 0 | ចំនួនចែករំលែក 0
គម្រោងយក្ស "One Park" នៅតំបន់បឹងកក់ បើកសម្ពោធជាផ្លូវការហើយ
ចន្លោះមិនឃើញ
កាលពីថ្ងៃសៅរ៍ ទី២-កក្កដា កន្លងទៅនេះ ក្រុមហ៊ុនអភិវឌ្ឍរបស់ហុងកុង GRED បានរៀបចំពិធីជប់លៀងពេលល្ងាច បើកសម្ពោធគម្រោងអភិវឌ្ឍន៍ "One Park" ជាផ្លូវការ នៅសណ្ឋាគារ សូហ្វីតែល ដោយមានភ្ញៀវកិត្តិយសចូលរួមប្រមាណជា ៣៥០ នាក់។
លោក Qu Shi Qin អគ្គនាយកគ្រប់គ្រងរបស់ GRED មន្ត្រីរាជរដ្ឋាភិបាលកម្ពុជា និងភាគីពាក់ព័ន្ធនៅក្នុងគម្រោង "One Park" ក៏មានវត្តមាននៅក្នុងកម្មវិធីនេះដែរ។
ស្ថិតលើបណ្ដោយមហាវិថីសហព័ន្ធរុស្ស៊ី ទល់មុខនឹងវិមានសន្តិភាព ពោលគឺនៅតំបន់បឹងកក់ "One Park" គឺជាគម្រោងអភិវឌ្ឍន៍ចម្រុះដ៏ធំជាងគេមួយនៅភ្នំពេញ ដែលមានផ្ទៃក្រឡាសរុបរហូតដល់ ៧,៩ ហិកតា។
"One Park" នឹងមានលំនៅឋានស្នាក់នៅ ហាងទំនិញ ភោជនីយដ្ឋាន អគារការិយាល័យ ព្រមទាំងសណ្ឋាគារលំដាប់ផ្កាយ ៥ ចំនួន ២ ដែលនឹងត្រូវប្រកាសឲ្យដឹងនាពេលឆាប់ៗខាងមុខនេះដែរ។ គម្រោងនេះ ត្រូវបានក្រុមហ៊ុនអភិវឌ្ឍរបស់ហុងកុង អះអាងថា ៥០% នៃគម្រោង នឹងជាតំបន់ពណ៌បៃតងមានដាំដើមឈើ សួនច្បារ ហាងហែលទឹក កន្លែងក្មេងលេង និងទីតាំងផ្សេងៗទៀតសម្រាប់បែបផែនជីវិតរស់នៅដ៏ល្អឥតខ្ចោះ។
គម្រោងយក្សមួយនេះ កំពុងទាក់ទាញចំណាប់អារម្មណ៍របស់បណ្ដាអ្នកវិនិយោគមកពីចិន តៃវ៉ាន់ សិង្ហបុរី ម៉ាឡេស៊ី និងបណ្ដាប្រទេសតំបន់អឺរ៉ុបផងដែរ។ "One Park" នឹងប្រកាសព័ត៌មានដ៏រំភើបអំពីវត្តមានក្រុមហ៊ុន និងម៉ាកយីហោផលិតផលអន្តរជាតិដែលនៅមានក្នុងនេះ ក្នុងរយៈពេលប៉ុន្មានខែខាងមុខនេះ។
សម្រាប់ព័ត៌មានបន្ថែម សូមទាក់ទង 086 334 358 ៕
អត្ថបទ៖ ពាណិជ្ជកម្ម