ភាពយន្តខ្មែរដែលរកចំណូលបានច្រើនបំផុតនៅ Major Cineplex 2014-2016

2016-07-12 13:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក សៅ សុខនី ដែលជានាយកប្រតិបត្តិរោងភាពយន្ត Major Cineplex by Cellcard បានថ្លែងមកកាន់ Sabay អំពីភាពយន្តខ្មែរដែលរកចំណូលបានខ្ពស់បំផុតប្រចាំឆ្នាំ ២០១៤ ២០១៥ និង ឆ្នាំ ២០១៦ នៅក្នុងរោងភាពយន្តរបស់លោក។

(លោក សៅ សុខនី នាយកប្រតិបត្តិរោងភាពយន្ត Major Cineplex)

នាយកប្រតិបត្តិរោងភាពយន្ត Major Cineplex លើកឡើងថា មានភាពយន្តខ្មែរមិនច្រើននោះដែលទទួលជោគជ័យ។ "យើងគិតទៅមានភាពយន្តខ្មែរប្រមាណ១៥-២០% ប៉ុណ្ណោះដែលធ្វើទៅចំណេញ ហើយមានភាពយន្តខ្មែរតែ៣រឿងប៉ុណ្ណោះដែលរកចំណូលបានច្រើនបំផុតនៅរោងយើង"។

ខាងក្រោមនេះជាភាពយន្តខ្មែរដែលរកចំណូលបានច្រើនបំផុតប្រចាំឆ្នាំ៖

១.

រឿង "Two Brothers" របស់ផលិតកម្ម LD Picture ជាភាពយន្តរកចំណូលបានច្រើនបំផុតប្រចាំឆ្នាំ ២០១៤ដែលមានអ្នកចូលទស្សនារហូតដល់ ៣០០០០ នាក់ ហើយភាពយន្តនេះរកចំណូលបានប្រមាណជាជិត ១០ ម៉ឺនដុល្លារអាមេរិក។

២. រឿង "ភូមិអត់មនុស្ស" របស់ផលិតកម្ម RED Picture ជាភាពយន្តរកចំណូលបានច្រើនបំផុតប្រចាំឆ្នាំ ២០១៥ ដែលមានអ្នកចូលទស្សនារហូតដល់ ៣៣០០០ នាក់ ហើយភាពយន្តនេះរកចំណូលបានប្រមាណជាង ១០ ម៉ឺនដុល្លារអាមេរិក។

៣. រឿង "ទង់ព្រលឹង" របស់ផលិតកម្ម RED Picture សម្រាប់ពាក់កណ្ដាលឆ្នាំ ២០១៦ នេះបានក្លាយជាភាពយន្តដែលមានអ្នកទស្សនាច្រើនបំផុតគឺចំនួន ២៩០០០ ហើយភាពយន្តនេះរកចំណូលបានប្រមាណជាជិត ១០ ម៉ឺនដុល្លារអាមេរិកដូចគ្នា។