ប្រធានាធិបតីបារាំង អញ្ជើញកីឡាករទាំងអស់ ញាំអាហារថ្ងៃត្រង់
- 2016-07-12 22:19:03
- ចំនួនមតិ 0 | ចំនួនចែករំលែក 0
ប្រធានាធិបតីបារាំង អញ្ជើញកីឡាករទាំងអស់ ញាំអាហារថ្ងៃត្រង់
ចន្លោះមិនឃើញ
ប្រធានាធិបតីបារាំង ហ្វ្រង់ស័រ ហូឡង់ បានអនុញ្ញាតឲ្យកីឡាករក្រុមជម្រើសជាតិបារាំងទាំងអស់ ចូលជួបដើម្បីសំណេះសំណាល និងទទួលទានអាហារថ្ងៃត្រង់រួមគ្នាមួយ នៅវិមាន Elysee Palace ទីក្រុងប៉ារីស កាលពីថ្ងៃច័ន្ទម្សិលមិញ បន្ទាប់ពីខកចិត្តមិនបានលើកពាន Euro 2016 ក្រោយចាញ់ព័រទុយហ្គាល់ ១-០ នៅវគ្គផ្ដាច់ព្រ័ត្រ កាលយប់ថ្ងៃអាទិត្យ។
ប្រធានាធិបតីបារាំង ហ្វ្រង់ស័រ ហូឡង់ (កណ្តាល, ពាក់វែនតា)
ក្រុមរបស់លោក Didier Deschamps ដែលរំពឹងថា នឹងអាចលើកពាន Euro ជាលើកទី៣ ក្នុងទឹកដីខ្លួនឯង បែរជាខកបំណង ដោយសារតែបរាជ័យ ក្រោមថ្វីជើងខ្សែប្រយុទ្ធ Eder ដែលស៊ុតឲ្យព័រទុយហ្គាល់ឈ្នះនៅនាទី១០៩។ យ៉ាងណាក្ដី លោកប្រធានាធិបតី ហ្វ្រង់ស័រ ហូឡង់ យល់ថាកីឡាករបារាំងទាំងអស់ ធ្វើបានល្អហើយ និងមិនចង់ឲ្យពួកគេសោកសៅទៀតនោះទេ ទើបលោកអញ្ជើញឲ្យចូលជួប ដើម្បីលើកទឹកចិត្ត។
កីឡាករលេងល្អបំផុតនៅ Euro 2016 និងជាអ្នកស៊ុតបញ្ចូលទីច្រើនជាងគេ Antoine Griezmann បានបង្ហាញស្នាមញញឹមឡើងវិញ ខណៈដែលខ្សែបម្រើ Dimitri Payet ដែលអ្នកគាំទ្រក្រុមព័រទុយហ្គាល់ជាច្រើនកំពុងខឹងខ្លាំងរឿងធ្វើឲ្យ Cristiano Ronaldo របួសនោះ ក៏ព្យាយាមបញ្ចេញទឹកមុខញញឹមខ្លះៗឡើងវិញផងដែរ៕
ប្រែសម្រួល៖ វិន ជីវ័ន្ត ប្រភព៖ mirror