ភាពយន្តថ្មីរបស់ Lee Min Ho បំបែកកំណត់ត្រា Box Officeនៅចិន

2016-07-15 13:49:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាមួយនឹងប្រជាប្រិយភាពដ៏ធំធេងរបស់ខ្លួន តារាសម្ដែងកូរ៉េល្បីឈ្មោះ Lee Min Ho បានជួយឲ្យភាពយន្ត "Bounty Hunter” រកប្រាក់ចំណូលយ៉ាងច្រើនលើសលប់។

“Bounty Hunters” ដែលជាភាពយន្តថ្មីរបស់តារាសម្ដែងរូបសង្ហា Lee Min Ho បានរកចំណូលសរុបចំនួន ២៩លានដុល្លារចាប់តាំងពីពេលដាក់បញ្ចាំងកាលពីដើមខែ កក្កដាមក។ នេះគឺភាពយន្តសហការរវាងចិននិងកូរ៉េដែលរកលុយបានច្រើនជាងគេបើគិតមកទល់ពេលបច្ចុប្បន្ន។ ក្រុមហ៊ុនរបស់តួរឿង "កន្លង់បាក់ស្លាបកូឡាបមានស្នេហ៍" បានឲ្យដឹងថាខ្សែភាពយន្តនេះត្រូវបានដាក់បញ្ចាំងនៅក្នុងរោងកុនចំនួន ៥២០០០រោងនៅសព្វប្រទេសចិន ហើយវាបានជាប់ចំណាត់ថ្នាក់លេខ១ក្នុងថ្ងៃចេញផ្សាយដំបូង។ ក្រៅពីដាក់បញ្ចាំងនៅចិន "Bounty Hunters” ក៏គ្រោងនឹងដាក់បញ្ចាំងនៅក្នុងប្រទេសជាច្រើនទៀតដូចជា អង់គ្លេស អូស្ត្រាលី វៀតណាម សិង្ហបុរី ម៉ាឡេស៊ី ហុងកុង និងតៃវ៉ាន់ផងដែរ៕