នំប៉័ងសាច់ជ្រូកខ្វៃលក់តែបីម៉ោង ចំណេញមួយថ្ងៃខ្ទង់ ២០ម៉ឺនរៀល

2016-07-19 15:43:39
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែរទេះដល់ភ្លាម មនុស្សជាហូរហែ ខ្លះជិះឡាន ខ្លះជិះម៉ូតូ បានឈប់ទិញព្រោងព្រាត នោះគឺរទេះនំប៉័ងសាច់ជ្រូកខ្វៃដែលកំពុងល្បីឈ្មោះ លក់មួយថ្ងៃតែ ៣ម៉ោងប៉ុណ្ណោះអស់ ២៥០ដើម បានចំណេញប្រហែល ២០ម៉ឺនរៀលក្នុងមួយថ្ងៃ។

តាមសម្ដីរបស់លោក យោន ថុនា ដែលត្រូវបានគេដាក់ឈ្មោះ សម្បត្តិ កុសល្យ ម្ចាស់រទេះនំប៉័ងសាច់ជ្រូកខ្វៃ បាននិយាយថា លោកមកលក់នៅមុខសាលាបឋមសិក្សាទួលគោកអស់រយៈពេល ៤ខែមកហើយ ហើយចាប់ផ្ដើមលក់ប្រហែលម៉ោង២រសៀល និងលក់អស់ប្រហែលម៉ោង៥ល្ងាច។

“...ចូលខែទី៤ហើយ...ខ្ញុំធម្មតាទូទៅម៉ោង២ ភាគច្រើនម៉ោង៥កន្លះ ៦ ត្រូវតែអស់ហ្មង រាល់ថ្ងៃទៀងហ្មង”។ សម្ដីរបស់ លោក ថុនា។ អ្នកលក់នំប៉័ងដែលទើបតែផ្លាស់ពីបន្ទាយមានជ័យរូបនេះបន្តថា ក្នុងមួយថ្ងៃ លោកអាចលក់បានប្រហែល២៥០ដើម ហើយមានចំណូលប្រហែល១លាន ៥សែនរៀល ហើយចំណេញប្រមាណ២០ម៉ឺនរៀល។

លោក ថុនា៖ "ម៉ាថ្ងៃបើធម្មតាយើងលក់អស់២៥០ដើម តែអត់គ្រប់តម្រូវការភ្ញៀវទេប៉ុណ្ណឹង សាច់ជ្រូកជាទូទៅអស់ប្រហែល៥០គីឡូជាង គ្រាន់តែសាច់ស្រស់ចូលប្រហែល៨០ម៉ឺនហើយ វ៉ៃគ្រឿងវ៉ៃអីអាចជាង១លាន នំប៉័ង១០ម៉ឺន ខ្ញុំគិតថាបាន៥០$ថេរ(ចំណេញ) បាទ២០ម៉ឺនរៀល តែបើចំណូលអត់ផាត់នេះផាត់នោះ១លានកន្លះ ខ្លះ១លាន៦០ម៉ឺន...”។

អ្នកភូមិអណ្ដូង ឃុំមេសរប្រចាន់ ស្រុកពារាំង ខេត្តព្រៃវែង រូបនេះក៏បានបន្តទៀតថា របរនេះល្បីដោយសារតែកត្តាបី គឺការខ្វៃជ្រូកដោយខ្លួនឯង ធ្វើជ្រក់ដោយខ្លួនឯង និងការជ្រើសរើសប្រភេទសាច់ជ្រូកដោយខ្លួនឯង និងលក់ក្នុងតម្លៃថោកសមរម្យ។

“...ខ្ញុំមានគ្នា៦នាក់...មានអ្នកធ្វើជ្រក់២នាក់និងសៀវមៃ ៤នាក់ទៀតជួយលក់...សាច់(ខ្វៃ)ផលិតខ្លួនឯងដើម្បីជាផលិតផលរបស់ខ្មែរ...បើរសជាតិភ្ញៀវសរសើរច្រើន នៅតាមបណ្ដាញហ្វេសប៊ុកអី គេទទួលស្គាល់ច្រើន...មួយដើម៧០០០រៀល មានតែពួកគាត់ថាថោក សមរម្យ...ចំពោះលក្ខណៈពិសេសយើងខ្វៃអាំងនឹងធ្យូង ជ្រក់យើងធ្វើខ្លួនឯង..."។ សម្ដីលោក ថុនា។

ងាកមកស្ថានភាពគ្រួសារវិញ បុរសវ័យ៣៥ឆ្នាំមានបងប្អូន៣នាក់ ប្រុស២ ស្រី១ ដោយប្អូនរបស់គាត់ជាជំនួយការក្នុងរបរនេះ ប្អូនស្រីមានគ្រួសារទៅហើយ រីឯលោកពុកនិងអ្នកម្ដាយរបស់បងប្រុស គឺជាអ្នកធ្វើជ្រក់ និងសៀវមៃ។

យ៉ាងណាមិញ ម្ចាស់អាជីវកម្មនេះបានផ្លាស់ពីទីកំណើតព្រៃវែងទៅនៅបន្ទាយមានជ័យអស់រយៈពេល១៣ឆ្នាំ ហើយក៏បានចាប់អាជីពជាអ្នកលក់នំប៉័ងសាច់ ប៉ុន្តែដោយសារតែការលក់ពុំសូវកាក់កប ក្រោយមកក៏បានផ្លាស់មករាជធានីភ្នំពេញទើបតែ៤ខែហើយក៏បានផ្លាស់មកលក់នំប៉័ងសាច់ជ្រូកខ្វៃនេះតែម្ដង៕

អត្ថបទ៖ នួន ចាន់លីហួត

ពាក្យទាក់ទង

ព័ត៌មានសង្គម

អត្ថបទពេញនិយម

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤