នាយកប្រតិបត្តិ Apple លោក Tim Cook និយាយដោយចំហថា ខ្លួនជាភេទទីបី

2014-10-31 14:50:25
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកប្រតិបត្តិរបស់ Apple លោក Tim Cook បានចេញមកលាតត្រដាងការពិតដ៏គួរឲ្យភ្ញាក់ផ្អើលមួយថា លោកគឺជាបុរសប្រភេទទីបី។ ក្នុងអត្ថបទនៃសារព័ត៌មាន Businessweek នាយកក្រុមហ៊ុនវ័យ ៥១ ឆ្នាំបានរៀបរាប់ដូចខាងក្រោម៖

"បើទោះជាខ្ញុំមិនធ្លាប់បដិសេធពីភេទរបស់ខ្ញុំ តែខ្ញុំក៏មិនដែលលើកឡើងជាសាធារណៈដែរមកទល់នឹងពេលនេះ។ ដូច្នេះខ្ញុំចង់បញ្ជាក់ឲ្យច្បាស់ថា ខ្ញុំមានមោទនភាពដែលជាមនុស្សភេទទីបី ហើយខ្ញុំគិតថា មនុស្សភេទទីបីជាអំណោយដ៏អស្ចារ្យបំផុតមួយដែលព្រះជាម្ចាស់បានប្រទានដល់ខ្ញុំ"។

លោកបន្តពន្យល់ទៀតថា៖

“ក្នុងនាមជាមនុស្សភេទទីបីឲ្យខ្ញុំយល់កាន់តែស៊ីជម្រៅថា ស្ថិតក្នុងចំណោមមនុស្សដែលគេមិនសូវផ្ដល់តម្លៃវាយ៉ាងម៉េច ហើយវាក៏អាចឲ្យខ្ញុំប្រមើលមើលឃើញនូវការការលំបាកដែលមនុស្សជំពូកនេះប្រឈមរាល់ថ្ងៃ។ វាធ្វើឲ្យខ្ញុំយល់ចិត្តពួកគេកាន់តែច្បាស់ និងធ្វើឲ្យជីវិតកាន់តែប្រសើរឡើង។ វាជាលំបាក និងមិនស្រណុកនៅពេលវេលាខ្លះ តែវាផ្ដល់ឲ្យខ្ញុំនូវជំនឿចិត្តធ្វើជាខ្លួនឯង ដើរលើផ្លូវរបស់ខ្លួនឯង និងខំប្រឹងឡើងឲ្យខ្ពស់ផុតពីជោគអាក្រក់ និងការប្រកាន់នានា។"

គេក៏មិនច្បាស់ថា មូលហេតុអ្វីដែលនាំឲ្យនាយកប្រតិបត្តិរូបនេះបញ្ចេញព័ត៌មានដែលមានលាក់កំបាំងអស់រយៈពេលជាច្រើនឆ្នាំមកនេះជាសាធារណៈដែរ៕

ប្រែសម្រួល៖ សីហា ប្រភព៖ Businessinsider