អតីតស្ថាបនិកក្រុម EV Band ទៅជំនួសតំណែង មាស សុខរតនៈ?

2016-08-02 16:09:39
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះ លោក មាស សុខរតនៈ តែងបដិសេធរាល់សំណួរផ្សេងៗពាក់ព័ន្ធទៅនឹងតារាចម្រៀងនានាក្នុងផលិតកម្ម Town ដោយបានលើកឡើងថា លោកបានផ្លាស់ទៅកាន់ផ្នែកផ្សេងហើយ។

ជាមួយគ្នានោះ ក៏លេចឮព័ត៌មានមកថា អតីតស្ថាបនិកក្រុមចម្រៀង EV Band លោក អ៊ា វឌ្ឍនា កំពុងឈរតួនាទីជាអ្នកចាត់ការទូទៅផលិតកម្ម Town វិញម្ដងជំនួសលោក មាស សុខរតនៈ។ ទោះបីជាយ៉ាងណា តួនាទីនោះមិនត្រូវបានផលិតកម្មធ្វើសន្និសីទកាសែតបង្ហាញជាសាធារណៈដូចកាលដែលអ្នកស្រី ពាន់ ភួងបុប្ផា ចូលរួមជាមួយផលិតកម្មមួយនេះក្នុងនាមជាផលិតករភាពយន្តនោះឡើយ។

ប្រភពមួយបង្ហើបឱ្យដឹងថា តាមពិតក្រៅពីតួនាទីចាត់ការទូទៅហើយនោះ អតីតអ្នកជំនាញលាយភ្លេងនៅវិទ្យុស្ត្រីអេហ្វអឹម ១០២ រូបនេះក៏មានតួនាទីបន្ថែមខ្លះទៀតដែរនៅក្នុងផលិតកម្មខាងលើ។

ពាក់ព័ន្ធទៅនឹងបញ្ហានេះ មិនអាចសុំការបញ្ជាក់បន្ថែមពីលោក មាស សុខរតនៈ នោះទេ ដោយសារទូរសព្ទរបស់លោកមិនមានអ្នកទទួល។ ប៉ុន្តែនាពេលកន្លងទៅអតីតអ្នកចាត់ការទូទៅផលិតកម្មTownធ្លាប់បាននិយាយថា លោកបានចេញពីតួនាទីនេះហើយ ដោយទៅកាន់ Town Group វិញម្ដង។ លោកថា៖"ខ្ញុំបានចេញពីTown ហើយ អញ្ចឹងការងារផ្សេងទៀតពាក់ព័ន្ធជាមួយផលិតកម្ម Town មិនបាច់ទាក់ទងមកខ្ញុំទេ"។

ដោយឡែកសាមីខ្លួនលោក អ៊ា វឌ្ឍនា បានទទួលស្គាល់ថា លោកពិតជាបានចូលទៅកាន់តំណែងជំនួសលោក មាស សុខរតនៈ ប្រាកដមែន។ “ខ្ញុំត្រឡប់មកពីបារាំងវិញហ្នឹង រតនៈ គាត់ទាក់ទងខ្ញុំឱ្យជំនួសគាត់ ព្រោះលឺថាគាត់ទៅកាន់ផ្នែកទូរទស្សន៍វិញម្ដង អញ្ចឹងខ្ញុំក៏មកទៅ"។ លោក អ៊ា វឌ្ឍនា ថ្លែងមកកាន់ Sabay។

អតីតប្រធានក្រុម EV ខាងលើបន្តថា លោកទើបចូលរួមជាមួយផលិតកម្មបាន ៣ សប្ដាហ៍ប៉ុណ្ណោះ ហើយកំពុងសិក្សាពីបរិយាកាសការងារនៅឡើយ ហើយមានរឿងរ៉ាវជាច្រើនត្រូវស្វែងយល់ទៀតផង៕

អត្ថបទ៖ សំ ជំនាញ

អត្ថបទពេញនិយម

ដឹងទីតាំងរៀបចំព្រះរាជពិធីច្រត់ព្រះនង្គ័ល ក្នុងខែឧសភា ឆ្នាំ២០២៤នេះហើយ

វត្ដមានរោងចក្រផ្គុំ និងដំឡើងរថយន្តតូយ៉ូតា ប្ដេជ្ញាអភិវឌ្ឍសេដ្ឋកិច្ច និងធនធានមនុស្សនៅកម្ពុជា

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

បើឥន្ទ្រីពិឃាដឌូកត្រូវលក្ខខណ្ឌនេះលោក Li Jun នឹងពិចារណាឲ្យចូលក្រុមបាល់ទះលើក្ដារជម្រើសជាតិ

អាស៊ានមានសាកលវិទ្យាល័យ ២ ដែលជាប់ក្នុងចំណាត់ថ្នាក់សាលាកំពូលទាំង ១០ នៅអាស៊ី

បង្ហាញមុខប្រធានសមាគមសិល្បករខ្មែរទាំង ៦ អាណត្តិ

អត្ថបទថ្មី

យល់ដឹងពីប្រព័ន្ធប៉ុងរថយន្ត ដែលមានដូចជា ប៉ុង១ ប៉ុង២ និង 4x4

Ford Ranger ទទួលចំណាត់ថ្នាក់ផ្កាយ ៥ ជារថយន្តមានសុវត្ថិភាពបំផុត!

និស្សិត យឹម ច័ន្ទយ៉ានីត ចេង សុធីតា បានស្រាយចម្ងល់ខ្លួនជាច្រើនបន្ទាប់ពីសិក្ខាសាលារបស់ CamEd ដែលមានមន្ត្រីជំនាញពន្ធដារ

ការពិតទាំង 10 យ៉ាងពីភីកអាប់អគ្គិសនី Tesla Cybertruck

កីឡាករក្រសួងមហាផ្ទៃ៣រូបចូលជំរុំហ្វឹកហាត់ជម្រើសជាតិ U20 និងជម្រើសជាតិឈុតធំ