កុមារវ័យ ១៤ ឆ្នាំបានរង្វាន់ ១ ម៉ឺនដុល្លារពី Google ក្រោយបង្កើតកម្មវិធីដើរសមុទ្រ

2016-07-25 17:42:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យាយក្ស Google បានផ្ដល់រង្វាន់ជាអាហារូបករណ៍តម្លៃ ១ ម៉ឺនដុល្លារ ដល់កុមារឥណ្ឌាវ័យ ១៤ ឆ្នាំ ដែលបានបង្កើតកម្មវិធីសង្គ្រោះជីវិតមួយដល់អ្នកនេសាទជនជាតិឥណ្ឌានៅទូទាំងប្រទេស។

កុមាររូបនោះត្រូវគេស្គាល់ឈ្មោះថា Ramesh Advay ជាសិស្សថ្នាក់ទី ១០ នៃសាលារៀនមួយកន្លែង។ កម្មវិធីដែលគេបង្កើតឡើងនោះមានឈ្មោះថា FELT (FishErmen Lifeline Terminal)។ កម្មវិធីនេះនឹងផ្ដល់សញ្ញាដល់អ្នកនេសាទ នៅពេលណាដែលពួកគេធ្វើដំណើរក្បែរៗនឹងព្រំដែនទឹក ហើយផ្ដល់ព័ត៌មានពីធាតុអាកាស និង ស្ថានភាពនៃសមុទ្រថែមទៀតផង។

មូលហេតុដែល Ramesh Advay បង្កើតកម្មវិធីនេះឡើងគឺដោយសារតែសង្កេតឃើញថារយៈពេលប៉ុន្មានឆ្នាំចុងក្រោយនេះអ្នកនេសាទប្រមាណ ៩០០ នាក់ត្រូវបានចាប់ឃុំដោយប្រទេសជិតខាងរបស់ឥណ្ឌា រួមមាន ប៉ាគីស្ថាន, ស្រីលង្កា និង បង់ក្លាដេស ដោយសារតែអ្នកនេសាទទាំងនោះ ធ្វើដំណើរហួសព្រំដែនអំឡុងពេលនេសាទ៕

ចុចអាន៖ សិស្សវិទ្យាល័យម្នាក់ អាចបំបែកកូដហ្គេម Pokemon Go

ប្រែសម្រួល៖ ហៃ សុខហេង ប្រភព៖ India