ឯកឧត្តមក្រសួងអប់រំជួបអត្តពលិកកម្ពុជាមុនទៅអូឡាំពិក
- 2016-07-25 23:38:35
- ចំនួនមតិ 0 | ចំនួនចែករំលែក 0
ឯកឧត្តមក្រសួងអប់រំជួបអត្តពលិកកម្ពុជាមុនទៅអូឡាំពិក
ចន្លោះមិនឃើញ
ឯកឧត្ដម ហង់ ជូនណារ៉ុន នៅថ្ងៃទី២៥ ខែ កក្កដា ឆ្នាំ២០១៦នេះបានអនុញ្ញាតឲ្យប្រតិភូកីឡាកម្ពុជា១៦នាក់ចូលជួបនិងសម្ដែងការគួរសម ព្រមទាំងស្ដាប់អនុសាសន៍ល្អៗមុនចេញទៅចូលរួមព្រឹត្តិការណ៍អូឡាំពិកនៅប្រទេស ប្រេស៊ីល។
តាមការឲ្យពី Page របស់អគ្គនាយកដ្ឋានកីឡាថា ឯកឧត្ដមរដ្ឋមន្ត្រីក្រសួងអប់រំ យុវជន និងកីឡា ហង់ ជូនណារ៉ុន មានប្រសាសន៍ថា ការចេញទៅប្រកួតកីឡាអូឡាំពិកលើកនេះពិតជាមានមោទនភាពខ្លាំងណាស់សម្រាប់ប្រទេសកម្ពុជា ពីព្រោះកីឡាការិនី ស៊ន សៀវម៉ី ដណ្ដើមបានសិទ្ធិពេញលេញសម្រាប់ការចូលរួមប្រកួតដែលខុសពីកន្លងមកដែលកម្ពុជាទទួលបានតែសិទ្ធិអនុគ្រោះប៉ុណ្ណោះសម្រាប់ការចូលរួម។ ឯកឧត្ដមក៏បានក្រើនរំលឹកដល់ប្រតិភូ គ្រូបង្វឹក កីឡាករ និងកីឡាការិនីទាំងអស់ត្រូវយកចិត្តទុកដាក់ថែរក្សាសុខភាព និងមិនធ្វើអ្វីដែលប៉ះពាល់ដល់កិត្តិយសប្រទេសជាតិឡើយ។
សម្រាប់ការចេញទៅប្រកួតក្នុងព្រឹត្តិការណ៍នេះក្រសួងអប់រំយុវជន និងកីឡាបានឧបត្ថម្ភម្នាក់ៗចំនួន២០០ដុល្លារអាមេរិក សម្រាប់ជាសោហ៊ុយនៅក្នុងហោប៉ាវ។ ឧបត្ថម្ភប្រាក់សម្រាប់ទិញស្បែកជើងប៉ាតា១៤ ម៉ឺនរៀល តម្លៃសំបុត្រយន្តហោះចំនួន១៦នាក់ស្មើនឹងទឹកប្រាក់៦២៤០០ ដុល្លារ ឯកសណ្ឋាន និងទឹកប្រាក់២២៤០ដុល្លារសម្រាប់ទិញស្បែកជើងផ្លូវការសម្រាប់ទាំង១៦នាក់។
ក្រៅពីនេះទៀត ស៊ន សៀវម៉ីភូទទួលបានប្រាក់ឧបត្ថម្ភចំនួន២៣០០ដុល្លារអាមេរិកពីគណៈកម្មាធិការអូឡាំពិកអន្តរជាតិដែលលុយនេះក្រសួងអប់រំបានឲ្យកញ្ញាទុកប្រើប្រាស់ផ្ទាល់ខ្លួន ពីក្រសួងអប់រំបានចេញថ្លៃសំបុត្រយន្តហោះហើយ៕
អត្ថបទ៖ នួន ស៊ីណា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
