VAIO បញ្ចេញកុំព្យូទ័រស៊េរីថ្មីមានពណ៌ចម្រុះស្អាតទាក់ភ្នែក
- 2016-07-27 16:08:46
- ចំនួនមតិ 0 | ចំនួនចែករំលែក 0
VAIO បញ្ចេញកុំព្យូទ័រស៊េរីថ្មីមានពណ៌ចម្រុះស្អាតទាក់ភ្នែក
ចន្លោះមិនឃើញ
ក្រុមហ៊ុន VAIO ទើបបង្ហាញកុំព្យូទ័រយួរដៃស៊េរីចុងក្រោយ ដែលការរចនារូបរាងចម្រុះពណ៌ស្អាតទាក់ភ្នែក ដោយតម្លៃរបស់វាក៏មិនថោកប៉ុន្មានឡើយ។
ចំណុចពិសេសរបស់កុំព្យូទ័រម៉ូដែល C15 នេះគឺមានជម្រើសពណ៌ច្រើនរួមមាន ស-ទង់ដែង, ខៀវចាស់-ប្រផេះ, លឿង-ខ្មៅ និង ស្លែ-ទឹកក្រូច។ ចំពោះម៉ូដែលធម្មតាមានបំពាក់ដោយអេក្រង់ទំហំ ១៥,៥ អ៊ីញ កម្រិត ១៣៦៦x៧៦៨ រួមជាមួយ RAM ទំហំ 4 GB, CPU ប្រភេទ Intel Celeron 3215U និងអង្គផ្ទុកទិន្នន័យ 500 GB។
ជាមួយលក្ខណៈសម្បត្តិខាងលើមានមកជាមួយតម្លៃ ៦៤១ ដុល្លារ ដែលជាតម្លៃលក់នៅក្នុងហាង Sony ផ្ទាល់ ចំណែកឯនៅតាមហាងធម្មតាវិញអាចមានតម្លៃដល់ ៩០០ ដុល្លារ។
អ្នកក៏អាចដំឡើងលក្ខណៈ សម្បត្តិទៅកាន់អេក្រង់កម្រិត 1080p, RAM 8 GB និង CPU ប្រភេទ Intel i3 បាន តែត្រូវបន្ថែមលុយច្រើនលើសពីម៉ូដែលធម្មតា។ បច្ចុប្បន្នកុំព្យូទ័រយួរដៃម៉ូដែលនេះមានលក់តែនៅប្រទេសជប៉ុន ហើយខាងក្រុមហ៊ុនមិនបានបញ្ជាក់ថានឹងបញ្ចេញលក់លើទីផ្សារក្រៅប្រទេសឬយ៉ាងណាទេ៕
ចុចអាន៖ កុំព្យូទ័រ Dell Inspiron 2-in-1 មានវត្តមាននៅទីផ្សារកម្ពុជាហើយ
ប្រែសម្រួល៖ ហៃ សុខហេង ប្រភព៖ TheVerge