ពាក្យ​ចចាមអារ៉ាម​តារា​សម្ដែង​ល្បី​ឈ្មោះ Fan Bingbing មាន​ផ្ទៃ​ពោះ​កាន់​តែ​ច្បាស់​ជាង​មុន​នៅ​ពេល​នាង​បង្ហាញ​ក្នុង​កម្មវិធី​ជាមួយ​រូបរាង​ធាត់​ជាង​មុន​ច្រើន។

កាល​ពី​ថ្ងៃ​ទី ២៧​ខែ​កក្កដា​កន្លង​ទៅ​នេះ តារា​សម្ដែង​ស្រី​ជួរ​មុខ Fan Bingbing បាន​ចូល​រួម​ក្នុង​សន្និសីទ​កាសែត​របស់​ភាពយន្ត "I Am Not Pan Jinlian” ដែល​បាន​ធ្វើ​ឡើង​នៅ​ទីក្រុង​ប៉េកាំង​ប្រទេស​ចិន។ ជ្រើស​យក​រ៉ូប​របស់​ម៉ាក​សំលៀកបំពាក់​ល្បី​ឈ្មោះ Ralph & Russo មក​ស្លៀក តួ​រឿង "ព្រះនាង​យេយេ" ពិត​ជា​ស្អាត​ដាច់​គេ។

យ៉ាងណាក៏ដោយ នៅ​ពេល​ថត​ពី​ចំហៀង តារា​វ័យ​៣៤​ឆ្នាំ​បាន​ជ្រុល​លេច​រូបរាង​ដ៏​ទ្រលុកទ្រលន់​របស់​ខ្លួន​ដល់​ថ្នាក់​ប្រេះ​ឡេវ​រ៉ូប។ មិន​តែ​ប៉ុណ្ណោះ ពោះ​របស់ Fan Bingbing ក៏​ធំ​ខុស​ធម្មតា​ផង​ដែរ។ រូបភាព​ទាំង​នេះ​បាន​ធ្វើ​គេ​នឹក​ដល់​ពាក្យ​ចចាមអារ៉ាម​លេច​ឮ​កាល​ពី​ប៉ុន្មាន​ខែ​មុន​ថា​ស្រី​ស្អាត​ត្រកូល Fan កំពុង​មាន​ផ្ទៃ​ពោះ៕

ចុចអាន៖Fan Bingbing រង​ការ​រិះគន់​​​ដោយ​សារ​រ៉ូប​វាល​​បញ្ចេញ​សាច់​ខ្លាញ់​ខ្លាំង​ពេក

ប្រែ​សម្រួល៖ សុវណ្ណផៃ ប្រភព៖2sao