កក្រើកប្រលានយន្តហោះ ដោយសារក្រុមតារាថៃព្រឹកមិញ
- 2014-10-31 20:27:13
- ចំនួនមតិ 0 | ចំនួនចែករំលែក 0
កក្រើកប្រលានយន្តហោះ ដោយសារក្រុមតារាថៃព្រឹកមិញ
ចន្លោះមិនឃើញ
តារាល្បីថៃ Nick និង គ្នីគ្នាប្រមាណ ១១ នាក់ ផ្សេងទៀត ដែលសុទ្ធសឹងតែជាតួសម្ដែងក្នុងរឿង "ក្រុមស្ទាវអ្នកលេងខោខ្លី" បានធ្វើដំណើរមកដល់ប្រទេសកម្ពុជាព្រឹកនេះ ក្នុងគោលបំណងជួបអ្នកគាំទ្រ បានទៅស្វាគមន៍យ៉ាងកកកុញ និង ផ្សព្វផ្សាយពីស្នាដៃថ្មីរបស់ពួកគេផងដែរ។
វត្តមានតារាថៃទាំងនោះ គឺឆ្លើយតបតាមការអញ្ជើញរបស់ក្រុមហ៊ុន Westec Media ដែលជាក្រុមហ៊ុនចែកចាយភាពយន្តដ៏ធំនៅប្រទេសកម្ពុជា។ កញ្ញា ឡៅ ផានី ជាអ្នកគ្រប់គ្រងបាននិយាយថា នេះជាលើកទី ២ ហើយ ដែលបានអញ្ជើញក្រុមនេះមកប្រទេសកម្ពុជា ហើយការមកដល់លើកដំបូង គឺតាមរយៈរឿង "ខ្ញុំខ្លាចហើយម៉ែណាត"។
ដោយសារតែ Westec Media មើលឃើញពីភាពជោគជ័យក្នុងដំណើរលើកមុន នាំឲ្យមានការគាំទ្រស្ទើរនឹកស្មានមិនដល់។ គណៈគ្រប់គ្រងទាំងអស់ បានសម្រេចអញ្ជើញតារាទាំងនោះមកប្រទេសយើងម្ដងទៀត ដើម្បីធ្វើការផ្សព្វផ្សាយភាពយន្តថ្មីមួយទៀត ដែលអ្នកស្រីយល់ថា ជាការផលិតបានល្អជាងមុន។
កញ្ញា ឡៅ ផានី បានបញ្ជាក់ថា រឿង"ក្រុមស្ទាវអ្នកលេងខោខ្លី" នឹងចែកចាយបញ្ចាំងគ្រប់រោងភាពយន្តទំនើបទាំងអស់នៅភ្នំពេញដូចជា Platinum Cineplex, Major Cineplex by Cellcard, និង រោងភាពយន្តLegend ជាដើម។ ការបញ្ចាំងត្រូវចាប់ផ្ដើមជាផ្លូវការនៅថ្ងៃទី៥ ខែវិច្ឆិកា ខាងមុខនេះ។
ប៉ុន្តែពូកគេនឹងចូលរួមក្នុងពិធីសម្ពោធចាក់បញ្ចាំងតាមរោងភាពយន្តនីមួយៗ ដោយចាប់ផ្ដើមពីរោងភាពយន្ត Platinum Cineplex ផ្សារសុរិយានៅរសៀលនេះ។ ដោយឡែកសម្រាប់រោងភាពយន្តMajor Cineplex by Cellcard ផ្សារទំនើប AEONនឹងធ្វើឡើងនៅពេលល្ងាច៕
អត្ថបទ៖ សំ ជំនាញ