ណាហ្គាវើល ស្មើ Three Star ១-១ វគ្គជម្រុះ AFC Cup 2017
- 2016-08-24 00:53:19
- ចំនួនមតិ 0 | ចំនួនចែករំលែក 0
ណាហ្គាវើល ស្មើ Three Star ១-១ វគ្គជម្រុះ AFC Cup 2017
ចន្លោះមិនឃើញ
ក្រុមណាហ្គាវើ លរបស់កម្ពុជាបានត្រឹមស្មើក្រុម Three Star Club របស់នេប៉ាល់ដោយលទ្ធផល ១-១ សម្រាប់ការប្រកួតបើក ក្នុងពូលB នៃក្នុងវគ្គជម្រុះ AFC Cup 2017 នៅកីឡដ្ឋាន MFF Football Centre ក្នុងទីក្រុង Ulaanbaatar ប្រទេសម៉ុងហ្គោលីមុននេះបន្តិច។
ការប្រកួតរវាងក្រុមទាំងពីរហាក់មិនលើសខ្វះគ្នាប៉ុន្មាន បើទោះជាក្រុមរបស់កម្ពុជាណាហ្គាវើលមិនមានកីឡាករបរទេសក៏ដោយ។ នៅដើមតង់ទីមួយ ក្រុម Three Star បានព្យាយាមដាក់សម្ពាធ ប៉ុន្តែមិនអាចធ្វើអ្វីណាហ្គាវើលបានឡើយ ខណៈឱកាសនាំបាល់ទៅតំបន់គ្រោះថ្នាក់មានដូចគ្នា។ យ៉ាងណានៅនាទីទី២៦ ណាហ្គាវើលទទួលបានទាត់បាល់ជ្រុង ហើយខ្សែការពារវ័យក្មេង ញឹម សុវណ្ណារ៉ា តែតចូលទីរបស់ Three Star បានសម្រេចដើម្បីនាំមុខ ១-០។ ការនាំមុខនេះរក្សារហូតចប់តង់ទី១។
ការប្រកួតនៅតង់ទី២ ណាហ្គាវើលមានទម្រង់លេងល្អជាងតង់ទី១ ប៉ុន្តែមិនសូវមានឱកាសស៊ុត ខណៈក្រុម Three Star មានទម្រង់មិនសូវល្អប៉ុន្មានឡើយ។ ទោះជាយ៉ាងណាការរព្យាយាមវាយសម្រុករបស់ Three Star អាចរកគ្រាប់បាល់ស្មើណាហ្គាវើល១-១ នៅចុងតង់។ អ្នកចាំទីយុគ អារី របស់ណាហ្គាវើលត្រូវបានពិន័យកាតក្រហមបណ្តេញចេញពីទីលាន បន្ទាប់ពីតវ៉ានឹងអាជ្ញាកណ្តាលជុំវិញគ្រាប់បាល់ដែល Three Star ស៊ុតចូល។ ចប់ការប្រកួតស្មើគ្នា ១-១។
ក្រុម Three Star មានសង្ឃឹមច្រើនក្នុងការឡើងទៅវគ្គបន្ត បន្ទាប់ពីឈ្នះក្រុមម្ចាស់ផ្ទះម៉ុងហ្គោលី Erchim ២-០ និងស្មើណាហ្គាវើល ១-១ ប៉ុន្តែណាហ្គាវើលត្រូវការឈ្នះក្រុម Erchim ចាប់ពី៣គ្រាប់ឡើងទៅទើបអាចឡើងទៅវគ្គបន្តបាន។ ចំពោះក្រុមម្ចាស់ផ្ទះ Erchim អស់ឱកាសហើយ៕
អត្ថបទ៖ ជាន ចាន់រ៉ា