ចុចតែម្តងអាចប្រើប្រាស់គណនីធនាគាររបស់ខ្លួនបានគ្រប់ពេលវេលា គ្រប់ទីកន្លែង

2016-08-25 16:18:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះធនាគារ ABA បានដាក់ដំណើរការជាផ្លូវការនូវមុខងារទំនើបថ្មីមួយទៀតលើ ABA Mobile App គឺ FingerprintID login។ ពេលនេះអតិថិជនធនាគារ ABA ទាំងអស់កាន់តែងាយស្រួលប្រើប្រាស់សេវាធនាគារជាច្រើនតាមរយៈទូរស័ព្ទដៃ ស្មាតហ្វូន (iOS ឬ Android) ដែលមានមុខងារ ស្កេនក្រយ៉ៅដៃស្រាប់ ។

មុខងារថ្មីនេះ នឹងធ្វើឲ្យអ្នកប្រើប្រាស់ អាចចូលទៅប្រើគណនីធនាគាររបស់ខ្លួនតាមទូរស័ព្ទដៃកាន់តែឆាប់រហ័ស ខណៈសុវត្ថិភាពត្រូវបានធានា១០០% ។ ម្រាមដៃរបស់អ្នកគឺជាលេខសម្ងាត់ពិសេសបំផុត ដែលគ្មាននរណាអាចស្មានដឹង ។

វិបសាយផ្លូវការរបស់ធនាគារ ABA បានបញ្ជាក់យ៉ាងច្បាស់ថា គ្មានព័ត៌មានប្រតិបត្តិការណាមួយ ឫព័ត៌មានលម្អិតក្នុងគណនីរបស់អតិថិជន ត្រូវបានរក្សាទុកនៅក្នុងទូរស័ព្ទដៃ ឬស៊ីមកាតឡើយ ។ ដូច្នេះទោះបីជាទូរស័ព្ទរបស់អតិថិជនបាត់ ឬត្រូវលួច ក៏គណនីធនាគាររបស់គេនៅតែមានសុវត្ថិភាពបំផុតដែរ។

ស្វែងយល់ពីរបៀបដំឡើងកម្មវិធីស្កេនក្រយៅដៃក្នុង ABA Mobile App សូមចុចទីនេះ បច្ចុប្បន្នសេវាធនាគារតាមរយៈកម្មវិធីទូរស័ព្ទរបស់ធនាគារABA កំពុងឈានមុខគេបំផុតនៅប្រទេសកម្ពុជា ថែមទាំងបានបន្តអភិវឌ្ឍកាន់តែទំនើប និងប្រសើរជារៀងរាល់ឆ្នាំ ដែលរហូតមកដល់ពេលនេះអតិថិជនABA ប្រមាណ៣ម៉ឺននាក់ហើយបានប្រើប្រាស់ ABA Mobile App។ អស់កង្វល់ពីការដាក់លុយច្រើនតាមខ្លួន ឬត្រូវការប្រើប្រាស់លុយជាបន្ទាន់ ឬ មិនមានពេលមកកាន់សាខាធនាគារដោយផ្ទាល់ ព្រោះតែការប្រើ ABA Mobile App មានគុណសម្បត្តិលេចធ្លោ ជាច្រើនទៀតដូចជា ៖

ផ្ទេរលុយ មិនគិតថ្លៃ រវាងគណនី ABAដូចគ្នា
ពិនិត្យសមតុល្យ និងប្រវត្តិប្រតិបត្តិការរបស់អ្នកនៅជិតអ្នកបំផុត ព្រមទាំងសេវាផ្សេងៗជាច្រើនទៀត។
ផ្ញើប្រាក់ទៅអ្នកណាម្នាក់ ហើយឲ្យពួកគេទៅដកពី ABA ATM ណាមួយដោយគ្រាន់តែប្រើលេខកូដ ពុំចាំបាច់ប្រើកាតឡើយ
បញ្ចូលលុយទូរស័ព្ទ និងបង់ថ្លៃវិក្កយបត្រផ្សេងៗ (អ៊ីនធឺណែត បង់ទឹក-ភ្លើង សេវា ទូរទស្សន៍ខ្សែកាប និងសេវាផ្សេងៗទៀត)
ស្វែងរកសាខាធនាគារ ABA ឫម៉ាស៊ីន ATM ឬក៏ម៉ាស៊ីនដាក់សាច់ប្រាក់ដែលនៅជិតអ្នកបំផុត ព្រមទាំងសេវាផ្សេងៗជាច្រើនទៀត។

ចង់ដឹងច្បាស់ពីសារប្រយោជន៍ និងការប្រើប្រាស់ ABA Mobile App តោះ! មើលវីដេអូខ្លីខាងក្រោមនេះ ៖

ABA Mobile App សមស្របបំផុតសម្រាប់មនុស្សសម័យថ្មី! អតិថិជនអាចទាញយកកម្មវិធីនេះដោយឥតគិតថ្លៃតាមរយៈLink ខាងក្រោមនេះ ដោយមិនចាំបាច់មកកាន់សាខាធនាគារផ្ទាល់ឡើយ ៖