AFC Cup 2017៖ ណាហ្គាវើល ត្រូវការឈ្នះ ៣គ្រាប់ឡើងពី Erchim ល្ងាចនេះ

2016-08-25 15:56:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់ណហ្គាវើលរបស់កម្ពុជា ត្រូវការឈ្នះក្រុមរបស់ម្ចាស់ផ្ទះម៉ុងហ្គោលី Erchim ចាប់ពី៣គ្រាប់ឡើងទើបអាចឆ្លងទៅវគ្គជម្រុះជុំទី២ នៃពានរង្វាន់ AFC Cup 2017 សម្រាប់ការប្រកួតទី២ ក្នុងពូល B ម៉ោង៤:០០( ម៉ោងនៅកម្ពុជា)។

ក្រុមរបស់លោក មាស ចាន់ណា រកបាន១ពិន្ទុសម្រាប់ជំនួបលើកទី១ នៃការប្រកួតសន្សំពិន្ទុកាលពីពេលថ្មីៗនេះដោយធ្វើបានត្រឹមស្មើគ្នា១-១ជាមួយ Three Star Club របស់នេប៉ាល់។ ចំណែក Three Star វិញមាន៤ពិន្ទុហើយ បន្ទាប់ពីឈ្នះម្ចាស់ផ្ទះ Erchim ២-០ និងស្មើគ្នាជាមួយណាហ្គាវើល១-១ដែលធ្វើឲ្យក្រុមមួយនេះមានសង្ឃឹមខ្ពស់ក្នុងការឡើងទៅជុំទី២។ ចំពោះក្រុមម្ចាស់ផ្ទះ Erchim វិញអស់ឱកាសឡើងទៅវគ្គបន្តហើយ បើទោះជាស្មើ ឬឈ្នះណាហ្គាវើលល្ងាចនេះក៏ដោយ បន្ទាប់ពីចាញ់ Three Star ២-០ កាលពីប្រកួតលើកទី១។ ដូច្នេះមានតែណាហ្គាវើល និង Three Star ប៉ុណ្ណោះដែលត្រូវប្រជែងគ្នាឡើងទៅជុំបន្ត។ ដើម្បីឡើងទៅវគ្គបន្តបាន ក្រុមរបស់កម្ពុជាណាហ្គាវើលចាំបាច់ត្រូវការឈ្នះចាប់ពី៣គ្រាប់ឡើងទៅទើបអាចឡើងទៅ។

ចាំអ៊ុតមើលទាំងអស់គ្នាថា តើក្លឹបរបស់កម្ពុជា ណាហ្គាវើល អាចយកឈ្នះម្ចាស់ផ្ទះបានអត់ ហើយតើអាចរកបានប៉ុន្មានគ្រាប់?