បុគ្គលិករោងចក្រដំឡើង iPhone ស្លាប់ព្រោះរងសម្ពាធការងារ
- 2016-08-25 20:50:50
- ចំនួនមតិ 0 | ចំនួនចែករំលែក 0
បុគ្គលិករោងចក្រដំឡើង iPhone ស្លាប់ព្រោះរងសម្ពាធការងារ
ចន្លោះមិនឃើញ
ដើមសប្ដាហ៍កន្លងទៅនេះរោងចក្រដំឡើង iPhone ឈ្មោះ Foxconn មានទីតាំងនៅកោះតៃវ៉ាន់ បានបើកចំហពីការស្លាប់របស់បុគ្គលិក ស្រី-ប្រុស ចំនួនពីរនាក់។
ប្រភពបានឲ្យដឹងថា បុគ្គលិកដែលជាស្ត្រីបានបាត់បង់ជីវិត ដោយជួបគ្រោះថ្នាក់រថភ្លើងនៅពេលធ្វើដំណើរទៅធ្វើការ ឯសាកសពបុគ្គលិកដែលជាបុរសវិញបានប្រទះឃើញនៅក្រៅអាគាររោងចក្រ។ ខាងរោងចក្រ Foxconn បានចូលរួមសហការជាមួយសមត្ថកិច្ចដើម្បីស៊ើបអង្កេតលម្អិតលើហេតុការណ៍ទាំងពីរនេះ។
ដោយឡែកសារព័ត៌មាន Wall Street Journal បានចុះផ្សាយពីហេតុការណ៍នេះ ដោយលើកឡើងថា ការស្លាប់របស់បុគ្គលិកប្រុសវ័យ ៣១ ឆ្នាំ ជាការសម្លាប់ខ្លួន។ បុគ្គលិករូបនោះបានបញ្ចប់ជីវិតដោយឡើងលើដំបូលនៃអាគារ បន្ទាប់ពីបង្ហើយការងារវេនយប់របស់ខ្លួន រួចក៏លោតចុះទៅ។ ចំណែកបុគ្គលិកស្ត្រីវិញត្រូវរថភ្លើងបុក ពេលព្យាយាមផ្លោះរបងឆ្លងផ្លូវរថភ្លើង ដើម្បីទៅធ្វើការឲ្យទាន់ម៉ោង បើមិនអ៊ីចឹងអាចត្រូវកាត់ប្រាក់ខែ។
ករណីស្រដៀងគ្នានេះធ្លាប់កើតមានច្រើនដងមកហើយលើបុគ្គលិករោងចក្រ Foxconn ជាពិសេសនៅឆ្នាំ ២០១០ ដែលមានបុគ្គលិកបាត់បង់ជីវិតដល់ទៅ ១៤ នាក់ ហើយភាគច្រើនយល់ថាវិន័យការងារតឹងរឹង និង ស្ត្រេសខ្លាំង ជាមូលហេតុនាំឲ្យមានការស្លាប់៕
ចុចអាន៖ Mark Zuckerberg ទៅជួបប្រជាជនអ៊ីតាលី ក្រោយករណីរញ្ជួយដី
ប្រែសម្រួល៖ ហៃ សុខហេង ប្រភព៖ zing, ibtimes