ប្រាក់ មុន្នីឧត្តម បន្សល់ពាក្យមួយឃ្លា ក្រោយបានឱកាសមាសតែធ្វើមិនសម្រេច
- 2016-09-02 16:17:43
- ចំនួនមតិ 0 | ចំនួនចែករំលែក 0
ប្រាក់ មុន្នីឧត្តម បន្សល់ពាក្យមួយឃ្លា ក្រោយបានឱកាសមាសតែធ្វើមិនសម្រេច
ចន្លោះមិនឃើញ
“So sorry for my chance” ជាពាក្យមួយឃ្លា ដែល ប្រាក់ មុន្នីឧត្តម បង្ហោះលើបណ្ដាញសង្គមដើម្បីបញ្ជាក់ទៅអ្នកគាំទ្រថាខ្លួនពិតជាសោកស្ដាយចំពោះឱកាសមាសមួយអំឡុងការប្រកួតកាលពីយប់មិញនេះ។
ខ្សែប្រយុទ្ធ ប្រាក់ មុន្នីឧត្តម មានឱកាសមាសមួយក្នុងការជំនួបមិត្តភាពអន្តរជាតិ រវាងហុងកុងនិងកម្ពុជាកាលពីយប់មិញនេះ ប៉ុន្តែរូបគេភ្លាត់ទាត់ចំខ្សែការពារ ទើបមិនអាចរកគ្រាប់បាល់តាមស្មើ ៣-៣ បាននៅតង់ទី២ ។ ខណៈដែលចុងក្រោយបែរជាភ្លាត់ឱ្យក្រុមម្ចាស់ផ្ទះដាក់ថែមមួយគ្រាប់ទៀត ចប់ការប្រកួតលទ្ធផល ៤-២ ទៅវិញ។
ចំពោះការមិនសម្រេចគ្រាប់បាល់របស់ ឧត្តម នេះបានធ្វើឱ្យរូបគេសោកស្ដាយ ហើយក៏សូមទោសចំពោះអ្នកគាំទ្រកម្ពុជារាប់ម៉ឺននាក់ដែលកំពុងទស្សនានាគ្រាប្រកួតយប់មិញនេះផងដែរ។ អារម្មណ៍ដូចគ្នានេះដែរ មានអ្នកគាំទ្រជាច្រើនបានបញ្ចេញទស្សនៈថាវាមិនមែនជាបញ្ហានោះទេ ខ្សែប្រយុទ្ធរូបណាក៏ធ្លាប់មានរឿងនេះដែរ សូម្បី Cristiano Ronaldo ឬ Lionel Messi ក៏ដោយ។
កម្ពុជានឹងជួបក្រុមហុងកុងម្ដងទៀត នៅថ្ងៃទី៦ខែតុលាឆ្នាំ២០១៦ខាងមុខនេះ បន្ទាប់ពីក្រុមកម្ពុជាធ្វើការបោះជំរំហ្វឹកហាត់នៅសិង្ហបុរីរួច។ ដោយការប្រកួតមិត្តភាពនេះ ជាការដកស្រង់បទពិសោធន៍សម្រាប់កម្ពុជា ត្រៀមប្រកួតវគ្គជម្រុះដំបូងពានរង្វាន់នៅតំបន់អាស៊ាន AFF Suzuki Cup 2016 មាន៤ប្រទេសរួមមាន កម្ពុជា ឡាវ ប្រ៊ុយណេ និងទីម័រ។ ការប្រកួតនឹងចាប់ផ្ដើមពីថ្ងៃទី១៥ខែតុលា រហូតដល់ថ្ងៃទី២១ខែតុលាឆ្នាំ២០១៦នេះ៕
អត្ថបទ៖ មុន្នី រម្យ