Sabay ត្រៀមផ្ដល់ដំណឹងសម្បូរបែប ទូទាំងប្រទេសតាមរយៈ "ផ្លូវទៅស្រុក"

2016-09-09 13:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្លូវទៅស្រុកគឺជាអ្វី? វាគឺជាឈ្មោះគម្រោងមួយដែល Sabay នឹងផ្ដើមយុទ្ធនាការជាកញ្ចប់រយៈពេល៣ខែ ដើម្បីស្វែងរករឿងរ៉ាវអាថ៌កំបាំងគ្រប់បែបយ៉ាងនៅតាមភូមិ ស្រុក ទូទាំងប្រទេសកម្ពុជា ដើម្បីចេញផ្សាយឲ្យគ្រប់គ្នាបានដឹង។

ជាផ្នែកមួយនៃការចូលរួមលើកកម្ពស់មុខមាត់កម្ពុជា សារព័ត៌មានអនឡាញភាសាជាតិ Sabay News ដែលស្ថិតក្រោមស្លាកយីហោរបស់ក្រុមហ៊ុន Sabay Digital Corporation បានបោះទៅមុខមួយជំហានទៀតហើយ ដោយនឹងធ្វើដំណើរពីតំបន់មួយទៅតំបន់មួយ គ្រប់២៥រាជធានី-ខេត្ត ដើម្បីចេញផ្សាយដ៏សម្បូរបែបព័ត៌មានអំពី៖

-ប្រវត្តិសាស្ត្រ -សិល្បៈ វប្បធម៌ ប្រពៃណី -សក្ដានុពលសេដ្ឋកិច្ច ជីវភាពរស់នៅប្រចាំថ្ងៃ -មុខម្ហូបតាមតំបន់ -ជំនឿប្លែកៗ -រមណីយដ្ឋានស្រស់ស្អាតនានា ទាំងបែបធម្មជាតិ និង កែច្នៃ របស់កម្ពុជា ជូនទាំងភ្ញៀវជាតិ និង អន្តរជាតិ។

ផ្លូវទៅស្រុក នឹងចាប់ផ្ដើមយុទ្ធនាការរបស់ខ្លួនក្នុងពេលឆាប់ៗនេះ ដោយក្រុមការងារ Sabay បានត្រៀមខ្លួនរួចជាស្រេច ដើម្បីស្វែងរកព័ត៌មានថ្មីៗប្លែកៗ នៅតំបន់គោលដៅសំខាន់ៗទូទាំងប្រទេសកម្ពុជា ជូនប្រិយមិត្ត ដែលតែងតែគាំទ្រ វិបសាយ Sabay ដែលធ្វើឲ្យបណ្ដាញព័ត៌មានអនឡាញមួយនេះកំពុងឈានមុខគេនៅក្នុងប្រទេសកម្ពុជា៕