នីឡា ប្ដេជ្ញាមិនចោលការសិក្សា

2016-09-15 16:45:03
ចំនួនមតិ 0 | ចំនួនចែករំលែក 0

ចន្លោះមិនឃើញ

“ទោះបីជាខ្ញុំរវល់ការងារសិល្បៈខ្លាំងប៉ុណ្ណា ក៏ខ្ញុំមិនចោលការសិក្សាដែរ”។ នីឡា កូនតាវ៉ិចទ័រថ្លែងប្រាប់ Sabay។

អនាគតកូនប្រសាស្រីរបស់ម្ចាស់ក្រុមល្ខោនដ៏ល្បីប្រចាំខេត្តតាកែវ ភី សុគន្ធី បានបន្តទៀតថា ទោះជានាងរវល់ថតខ្លាំងប៉ុណ្ណា ក៏នាងឆ្លៀតទៅសិក្សាឲ្យបានយ៉ាងហោចណាស់មួយសប្ដាហ៍ចូលសាលាបី ទៅ បួនថ្ងៃដែរ។ "មិនអាចចោលការសិក្សាបានទេបងអើយ ខ្ញុំនៅក្មេង ការសិក្សានេះសំខាន់ណាស់ ពេលយើងមានចំណេះដឹង យើងអាចប្រកបរបរចិញ្ចឹមជីវិតបានយ៉ាងងាយស្រួល ដោយមិនបាច់ពឹងលើនរណា”។

តារាសម្ដែង និងកំប្លែង នីឡា បានបន្តថា ធ្លាប់មានអ្នកគាំទ្រតែងសួរពីបញ្ហាការសិក្សានេះដែរ ព្រោះឃើញនាងបង្ហោះរូបភាពលើ Facebook តែសកម្មភាពផ្សេងៗក្នុងវិស័យសិល្បៈ មិនដែលឃើញនាងបង្ហាញពីសកម្មភាពនានានៅពេលសិក្សា។ ទាក់ទិននឹងចម្ងល់នេះដែរតារាស្រីវ័យ ១៧ ឆ្នាំខាងលើបានបញ្ជាក់ថា "ពេលទៅសាលាខ្ញុំមិនបង្ហោះរូប ព្រោះតែចង់ផ្ដោតលើការសិក្សាតែមួយមុខ។”

នីឡា បានបញ្ជាក់ថាចូលវិស្សមកាលឆ្នាំ ២០១៦ - ២០១៧ នេះ នាងរៀនថ្នាក់ទី ១២ នៅសាលាឯកជនមួយកន្លែងក្នុងរាជធានីភ្នំពេញ៕

ចុចអាន៖ដឹងអត់ថាគូដណ្ដឹង នីឡា ធ្វើការងារអ្វី?

អត្ថបទ៖ទ្រី រ៉ាវី