កម្មវិធីទូរសព្ទ CamScanner ស្កេនឯកសារតាមចិត្ត មិនបាច់ប្រើម៉ាស៊ីន

2016-09-19 17:03:46
ចំនួនមតិ 0 | ចំនួនចែករំលែក 0

ចន្លោះមិនឃើញ

CamScanner ជាកម្មវិធីទូរសព្ទ មានតួនាទីអាចស្កេនឯកសារគ្រប់ប្រភេទ បានយ៉ាងល្អដូចម៉ាស៊ីនស្កេនប្រើប្រាស់នៅរោងពុម្ពអ៊ីចឹងដែរ។

កម្មវិធីនេះមានមុខងារសម្គាល់ផ្ទៃក្រដាស ដោយវាកាត់យកតែផ្ទៃក្រដាសដែលបានស្កេនប៉ុណ្ណោះ ខុសពីការថតរូបប្រើកាមេរ៉ាទូរសព្ទធម្មតា។ ពេលស្កេនរួច អ្នកអាចសារ៉េមុខងារ Effect ដើម្បីឲ្យអក្សរកាន់តែដិតនិងច្បាស់។

នៅពេលចង់ព្រីនចេញមកក្រៅ មានមុខងារមួយឈ្មោះ AirPrint ដែលអាចភ្ជាប់ទូរសព្ទទៅនឹងម៉ាស៊ីនព្រីនបានដោយមិនប្រើខ្សែ។

ឯកសារដែលបានស្កេនដោយ CamScanner ហើយ អាចចែករំលែកនិងផ្ញើម៉ែលទៅកាន់អ្នកដទៃបានភ្លាមៗ។ កាន់តែពិសេស CamScanner មានមុខងារ OCR ដែលអាចស្កេនអក្សរទៅជាអត្ថបទបាន តែបើតាមការធ្វើតេស្តរបស់ Sabay មុខងារនេះស្កេនអក្សរបានត្រូវប្រហែលជាង ៨០ភាគរយ នៅមានកំហុសខ្លះ៕

ទាញយក CamScanner