Galaxy C5 សមត្ថភាពខ្លាំង រាងស្រដៀង iPhone 6s តម្លៃតែ ៣៥០ ដុល្លារ

2016-09-20 17:19:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy C5 ជាស្មាតហ្វូនធន់កណ្ដាលរបស់ Samsung ដែលមានរាងស្លឹមស្អាត ទម្ងន់ស្រាល និងមានបួនពណ៌គឺទឹកប្រាក់ ប្រផេះ ទឹកមាស និងផ្កាឈូក។ផ្នែកខាងក្រោយ C5 មើលមួយភ្លែត អាចច្រឡំ iPhone 6s ដោយសារខ្សែអង់តែនខាងលើនិងក្រោម។ ចំណែកតម្លៃវិញគឺខុសគ្នាទៅតាមទំហំអង្គផ្ទុកទិន្នន័យ 32GB តម្លៃប្រហែល ៣៥០ ដុល្លារ និង 64GB តម្លៃប្រហែល ៣៩០ ដុល្លារ៕

ចំណុចពិសេសៗរួម ៦ ចំណុច៖

១) មានមុខងារ Answering and Ending Calls

អនុញ្ញាតិឲ្យអ្នកប្រើប្រាស់លើកទទួលទូរសព្ទបានយ៉ាងរហ័សពេលមានការបន្ទាន់ ដោយគ្រាន់តែចុចលើ Home Button ជំនួសការដោះសោររួចអូសលើផ្ទៃអេក្រង់ទៅឆ្វេងឬទៅស្ដាំ និងកាត់បន្ថយភាពសឹកឆ្កួតលើអេក្រង់ទៀតផង។

២) មានមុខងារ UHQ Upscaler សម្រាប់កំណត់គុណភាពសំឡេង

មុខងារផ្តល់ភាពងាយស្រួលសម្រាប់អ្នកនិយមរៀនភ្លេង ឬកែភ្លេងតាមទូរសព្ទដោយគ្រាន់តែភ្ជាប់ជាមួយកម្មវិធីខ្លះៗដែលទាញយកពី Play Store ដូចជា Sound Mixer ជាដើម។

៤) មានមុខងារ Private Mode ដូច Secure Folder នៅលើ Note 7

មុខងារនេះជួយការពារទូរសព្ទរបស់អ្នកមិនឲ្យអ្នកដទៃចូលទៅប្រើប្រាស់កម្មវិធីទូទៅបាន ឬនិយាយឲ្យស្រួលស្តាប់គឺចាក់សោរកម្មវិធី។

៤) មានមុខងារ Capture Screen ថ្មី

ដោយគ្រាន់តែអូសរបាលើ ចុះក្រោមហើយធីកយក Capture ជាការស្រេច ឬកំណត់ក្នុង Setting-> Advanced Setting-> Capturee ដើម្បីថតដោយគ្រាន់តែ វាសដៃលើអេក្រង់ ឬចុចប៊ូតុង Power ជាមួយនឹង Home Button ឲ្យជាប់ក៏បាន។

៥) Send SOS Message

មុខងារនេះផ្តល់ភាពងាយស្រួលដល់អ្នកប្រើពេលមានអាសន្នម្ដងៗ ដោយគ្រាន់តែកំណត់ចុចប៊ូតុង Power តែមួយនោះវានឹងលោត Message ផ្ដល់ដំណឹងបានដឹងភ្លាមៗ។

៦) Display

មុខងារនេះមានបួន ដែលអាចកំណត់យកមួយណាក៏បាន ដើម្បីការពារភ្នែកមិនឲ្យមានពន្លឺចាំងខ្លាំងនៅពេលយប់ ដូចមុខងារ Lowlight នៅលើ iPhone ដែរ។

ការរចនារូបរាង

Galaxy C5 រចនាបែប High End Smartphone មានតួរស្រោបដោយលោហះធាតុ មានអេក្រង់ទំហំត្រឹម ៥,២ អ៊ីញប្រភេទ Super AMOLED មានកម្រិតភាពច្បាស់ Full HD មានកម្រាស់ស្តើង និងទម្ងន់ស្រាលស្រួលកាន់ លើកលែងតែផ្នែកខាងមុខដែលពាសដោយកញ្ចក់។

សមត្ថភាពប្រើប្រាស់ទូទៅ

C5 បំពាក់ទ្រនាប់ស្កេនម្រាមដៃ នៅជាប់ប៊ូតុង Home មានបច្ចេកវិទ្យា សាកថ្មរហ័ស 3.0 របស់ QUALCOMM ដើរដោយប្រព័ន្ធប្រតិបត្តិការ Android Mashllow ជំនាន់ទី ៦។ វាបំពាក់បន្ទះឈីប Snapdragon 617 មានស៊ីភីយូ Octa-core ល្បឿន 1.5Ghz , RAM ៤GB និងអង្គផ្ទុកទិន្នន័យក្នុងម៉ាស៊ីនទំហំ ៣២GB និង ៦៤GB ដែលអាចបន្ថែមមេមូរីកាតប្រភេទ Micro-SD បាន។ ចំណែកឯថាមពលថ្មទំហំ 2600 mAh ប្រភេទ Li-Ion អាចប្រើបានមួយថ្ងៃពេញ ឯកាមេរ៉ាផ្នែកខាងក្រោយមានទំហំ ១៦MP និងខាងមុខទំហំ ៨MP ដោយសុទ្ធតែមាន Aperture ទំហំ f/1.9 ដូចគ្នា៕