ប្រិយមិត្ត​មួយ​ចំនួន​ប្រហែល​ជា​ដឹង​ហើយ​ថា​ iPhone 7 និង 7 Plus បំពាក់​បច្ចេកវិទ្យា​ធន់​នឹង​ទឹក​​កម្រិត​ IP67 ដែល​អាច​ឲ្យ​​ត្រាំ​​ក្នុង​ទឹក​ជម្រៅ​ ១ ម៉ែត្រ​ បាន​ ៣០ នាទី។ ចំណែក Galaxy S7 វិញ​មាន​​កម្រិត​ IP68 អាច​នៅ​ក្នុង​ទឹក​ជម្រៅ​ ១ ម៉ែត្រ​កន្លះ​ បាន​ ៣០​ នាទី។

ដើម្បី​ចង់​ដឹង​ពី​ភាព​ខុស​ប្លែក​នៃ​កម្រិត IP67 និង IP68 គណនី​ YouTube ដ៏​ល្បី​ឈ្មោះ​ EverythingApplePro បាន​បង្កើត​ការ​ធ្វើ​តេស្ត​ដោយ​ត្រាំ​​ iPhone 7 និង Galaxy S7 នៅ​ក្នុង​ទឹក​ទន្លេ។ ​ការ​ធ្វើ​តេស្ត​ចែក​ចេញ​ជា​ច្រើន​ដំណាក់​កាល​ ដោយ​ត្រាំ​ទូរសព្ទ​​ទៅ​ក្នុង​ជម្រៅ​ជា​ច្រើន​តង់​រួម​មាន​ ១,៥២ ម៉ែត្រ, ៣ ម៉ែត្រ, ៤,៥ ម៉ែត្រ, ៦ ម៉ែត្រ និង ៩ ម៉ែត្រ​ ហើយ​​ត្រាំ​មួយ​លើកៗ​មាន​រយៈ​ពេល​ ៥ នាទី។

ទូរសព្ទ​ទាំង​ពីរ​សុទ្ធ​តែ​អាច​ទ្រាំ​ទ្រ​នឹង​ការ​ធ្វើ​តេស្ត​ត្រាំ​ក្នុង​ទឹក​ខាង​លើ​បាន​ ហេតុ​នេះទើប​បង្ខំ​ឲ្យ​មាន​ការ​ធ្វើ​តេស្ត​មួយ​តង់​ទៀត​គឺ​​ត្រាំ​នៅ​ជម្រៅ​ ១០,៦៦ ម៉ែត្រ។ ជា​លទ្ធផល iPhone 7 នៅ​តែ​អាច​ប្រើ​ប្រាស់​បាន​ដូច​ធម្មតា​ទោះ​បី​ជា​ផ្នែក​ខាង​ក្រោម​នៃ​អេក្រង់​ហាក់​មាន​បញ្ហា​បន្តិច​ក្ដី ចំណែក​ឯ​ Galaxy S7 វិញ​បាន​រលត់​បើក​លែង​ចេញ៕

**យ៉ាងណា ប្រិយមិត្ត​មិន​គួរ​សាកល្បង​វិធី​នេះ​ដោយ​ខ្លួន​ឯង​នៅ​ផ្ទះ​ឡើយ។ ​

​

ចុច​អាន៖ Note 7 ប្រកួត​ល្បឿន​នឹង iPhone 7 លទ្ធផល​យ៉ាង​ណា​ដែរ?

ប្រែ​សម្រួល៖ ហៃ​ សុខ​ហេង ប្រភព៖ RedmondPie