សាហាវអស់ទាស់ ហ៊ានលោតចូលទឹកសុទ្ធតែត្រីឆ្លាម (វីដេអូ)

2014-11-03 21:34:08
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសអូស្រ្ដាលីម្នាក់ បានបង្កភាពភ្ញាក់ផ្អើលយ៉ាងខ្លាំង ក្រោយលោតចូលទឹកសមុទ្រ ទៅឈរលើសាកសពត្រីបាឡែន ដែលមានត្រីឆ្លាមកំណាចជាច្រើនក្បាលនៅជុំវិញនោះ។

Harrison នៅលើសាកសពត្រីបាឡែន

នៅក្នុងវីដេអូខាងក្រោម ប្រិយមិត្តនឹងឃើញបុរសដែលមានឈ្មោះថា Harrison Williams នោះ លោតចេញពីទូកចូលទៅក្នុងទឹកសមុទ្រ រួចតោងឡើងលើសាកសពត្រីបាឡែនដ៏ធំមួយដែលកំពុងអណ្ដែតទឹក។ អ្វីដែលគួរឲ្យខ្លាច គឺសាកសពត្រីបាឡែននោះ ជាចំណីរបស់ត្រីឆ្លាមជាច្រើនក្បាលដែលកំពុងហែលជុំវិញនោះ។

មុនការធ្វើសកម្មភាពដែលគ្មានអ្នកណាស្មានដល់នេះ Harrison កំពុងជិះទូកលេងជាមួយមិត្តភក្ដិមួយក្រុម ហើយមិត្តភក្តិទាំងនោះបាននិយាយថា វានឹងអស្ចារ្យបើបានឡើងទៅជិះលើសាកសពត្រីបាឡែន។ ក្រោយឮបែបនោះ រូបគេបានលោតចូលតែម្ដង ដោយមិនញញើតវត្តមានត្រីឆ្លាមនៅទីនោះសោះឡើយ។

យ៉ាងណាក្ដី បុរសវ័យ២៦ឆ្នាំ ដែលត្រូវបានគេហៅថាមនុស្សឆ្កួតនោះ មិនបានក្លាយជាចំណីត្រីឆ្លាមទាំងនោះឡើយ ដោយគេអាចតោងឡើងសាកសពត្រីបាឡែនបានលឿន ហើយត្រូវបានគេទាញឲ្យឡើងលើទូកវិញ។ ក្រុមអ្នកជំនាញខាងជលផលបានឲ្យដឹងថា មានត្រីឆ្លាម Tiger ជាច្រើនក្បាល និងត្រីឆ្លាមស (white shark) ប្រវែង៥ម៉ែត្រ១ក្បាល កំពុងនៅចោមរោមស៊ីសាកសពនោះ។

វីដេអូនេះ ត្រូវថតបានដោយឧទ្ធម្ភាគចក្ររបស់សារព័ត៌មាន Seven News កាលពីថ្ងៃសៅរ៍កន្លងទៅ។

http://youtu.be/fmFboLb_f2E

ដោយ៖ សុខ សុវត្ថិ ប្រភព៖ mashable