Brad Pitt កំពុងត្រូវ FBI ស៊ើបអង្កេតរឿងវាយធ្វើបាប Maddox
- 2016-09-23 15:39:52
- ចំនួនមតិ 0 | ចំនួនចែករំលែក 0
Brad Pitt កំពុងត្រូវ FBI ស៊ើបអង្កេតរឿងវាយធ្វើបាប Maddox
ចន្លោះមិនឃើញ
នៅពេលនេះ កំពូលតារាសម្ដែងហូលីវូដ Brad Pitt កំពុងត្រូវបានមន្ទីរការពារកុមារ និងគ្រួសារទីក្រុង Los Angeles ស៊ើបអង្កេតព្រោះរងការចោទប្រកាន់ថាបានប្រើអំពើហិង្សាលើកូនរបស់ខ្លួន។
កាលពីពេលថ្មីៗនេះ បណ្ដាញព័ត៌មាន Mirror បានរាយការណ៍ថា តារាសម្ដែងល្បីឈ្មោះអាមេរិក Brad Pitt កំពុងត្រូវបានការិយាល័យស៊ើបអង្កេតអាមេរិក FBI ស៊ើបអង្កេតករណីដែលលោកបានប្រើហិង្សាលើកូនចិញ្ចឹមជនជាតិខ្មែរ Maddox ទាំងរាងកាយ និងពាក្យសម្ដី។ ហើយនេះក៏ជាមូលហេតុដែលធ្វើឲ្យ Angelina Jolie សម្រេចចិត្តបញ្ចប់ចំណងស្នេហ៍១២ឆ្នាំរបស់ពួកគេដែរ។ តាមនោះដែរ នៅពេលនៅលើយន្តហោះផ្ទាល់ខ្លួននាពេលថ្មីៗនេះជាមួយប្រពន្ធព្រមទាំងកូន២នាក់ តួរឿង "World War Z” បានផឹកស្រវឹងយ៉ាងជោកជាំ និងបានវាយជេរស្ដីដាក់កូនប្រុសច្បងរបស់ខ្លួន។
ក្រោយពេលយន្តហោះចុះចត លោកឪពុកកូន៦រូបនេះបានបន្តប្រទេច Maddox បន្តទៀតមុនពេលចាកចេញទៅទាំងកម្រោល។ មួយថ្ងៃក្រោយរឿងហេតុនេះកើតឡើង តារាសម្ដែង Angelina Jolie បានដាក់ពាក្យបណ្ដឹងលែងលះស្វាមីរបស់ខ្លួន។ ប្រភពដដែលក៏បានឲ្យដឹងទៀតថា តារាសម្ដែង៥២ឆ្នាំបានសហការជាមួយអ្នកស៊ើបអង្កេតបានយ៉ាងល្អ តែលោកបានបដិសេធថាខ្លួនមិនបានវាយធ្វើបាបកូនប្រុសរបស់ខ្លួននោះឡើយ៕
ចុចអាន៖តារាស្រីដែលគេសង្ស័យថាជាអ្នកបំបែកស្នេហា Brad Pitt និងAngelina កំពុងមានផ្ទៃពោះ
ប្រែសម្រួល៖ សុវណ្ណផៃ ប្រភព៖mirror ,nbcnews