ក្រុមកំប្លែង ពែកមី ជូនកាដូរំលឹកគុណគ្រូ៤រូប
- 2016-09-28 20:14:25
- ចំនួនមតិ 0 | ចំនួនចែករំលែក 0
ក្រុមកំប្លែង ពែកមី ជូនកាដូរំលឹកគុណគ្រូ៤រូប
ចន្លោះមិនឃើញ
នៅព្រឹកមិញនេះក្រុមកំប្លែងរបស់ លោក ពែកមី បានធ្វើពិធីជូនកាដូដើម្បីរំលឹកគុណដល់លោកគ្រូ និងអ្នកគ្រូ៤ រូបនៅក្នុងឱកាសបុណ្យភ្ជុំបិណ្ឌនេះ។
ថ្លែងនៅក្នុងពិធីរំលឹកគុណគ្រូនេះដែរ លោក ពែកមី បានឲ្យដឹងថា ក្រុមកំប្លែងរបស់លោកធ្វើពិធីនេះឡើងដើម្បីរំលឹកគុណដល់លោកគ្រូអ្នកគ្រូ ដែលជាគណៈកម្មការទាំង៣រូបមានឯកឧត្តម ឃ្លោក លោក ជួង ជី ហៅនាយ កុយ អ្នកនាង គ្រត បានជ្រើសរើសឲ្យក្រុមលោកទាំង៧នាក់បានក្លាយជាក្រុមកំប្លែងប្រចាំស្ថានីយ៍ទូរទស្សន៍CTN។
ដោយឡែកម្នាក់ទៀត ដែលលោក ចាត់ជាគ្រូដែរ គឺលោកតា វ៉ិចទ័ ក្រោយពីក្រុមរបស់លោកប្រលងជាប់លោកតាវិចទ័ គឺជាអ្នកចាប់ដៃ ជួយបណ្តុះបណ្តាលក្រុមរបស់លោកទើបធ្វើឲ្យលោកមានថ្ងៃនេះ ។ក្រៅពីនេះ ក៏សូមអរគុណដល់ស្ថានីយ៍ទូរទស្សន៍ CTN ដែលបានបង្កើតកម្មវិធីមហាកំប្លែងនេះឡើងដែរ។
គណៈកម្មការទាំង៣ រូប និងលោកតាវិចទ័ បានសម្តែងក្តីរំភើបយ៉ាងខ្លាំងបន្ទាប់ពីបានឃើញក្រុមកំប្លែងរបស់ លោក ពែក មី ធ្វើការរំលឹកគុណមកដល់ខ្លួននៅក្នុងរដូវកាលបុណ្យភ្ជុំបិណ្ឌនេះ។ គណៈកម្មការទាំង៣រូរួមទាំងលោកតាវិទ័ បានបន្ថែមថា "នេះគឺជាលើកទី១ហើយដែលពួកខ្ញុំទទួលបានកាដូរំលឹកគុណពីកូនសិស្ស ក្រោយពីពួកគេទទួលបានជោគជ័យនៅក្នុងវិថីសិល្បៈ ពួកខ្ញុំសូមអរគុណដល់ក្រុមកំប្លែងរបស់ប្អូន ពែក មី ដែលធ្វើការរំលឹកគុណចំពោះបងទាំង៤នាក់"។
អត្ថបទ៖ ឆុង ស៊ីណាន