នាវាទេសចរណ៍ធំបំផុត ផលិតក្នុងខេត្តកំពត

2016-10-06 15:58:43
ចំនួនមតិ 0 | ចំនួនចែករំលែក 0

ចន្លោះមិនឃើញ

នាវាទេសចរណ៍ធំបំផុតមិនធ្លាប់មាន ត្រូវបានផលិតជាលើកដំបូងដោយអ្នកបច្ចេកទេសជនជាតិខ្មែរ។ នៅពេលដែលក្រុមការងារ "ផ្លូវទៅស្រុក" ទៅពិនិត្យទីតាំងផលិតនាវានេះ ដែលមានទីតាំងស្ថិតនៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត មាននាវាមួយចំនួនកំពុងស្ថិតនៅក្នុងការផលិត និងមួយចំនួនទៀតក៏ស្ទើររួចរាល់ទាំងស្រុងទៅហើយ។

អ្នកគ្រប់គ្រងក្រុមហ៊ុន ហេង រស្មី អ៊ីមផត អិចផត ជាក្រុមហ៊ុនដែលដំឡើងនាវាទេសចរណ៍បានឲ្យដឹងថា យានដ្ឋានផលិតនាវានេះទើបចាប់ផ្តើមដំណើរការនៅដើមឆ្នាំ ២០១៦ នេះ ដែលចាត់ទុកថាជាកន្លែងផលិតនាវាទេសចរដំបូងនិងធំជាងគេដែលមាននៅស្រុកខ្មែរ។

អានអត្ថបទទាំងអស់ពីខេត្តកំពតរបស់ "ផ្លូវទៅស្រុក" ចុចទីនេះ

លោកថា នាវាដែលក្រុមហ៊ុនផលិត ទាំងការឌីហ្សាញរូបរាងនិងបច្ចេកទេសគឺដោយក្រុមអ្នកជំនាញក្នុងស្រុក មិនមែនយកនាវាពីក្រៅមកកែច្នៃបន្ថែម ដើម្បីថាជានាវាផលិតក្នុងស្រុកនោះទេ។

ក្នុងតួនាវាទាំងមូលរួមទាំងបច្ចេកវិទ្យាដំណើរការជាង ៩០ ភាគរយផលិតក្នុងស្រុក។ ប៉ុន្តែគ្រឿងម៉ាស៊ីននាំចូលពីក្រៅ ដោយសារក្នុងស្រុកមិនអាចផលិតបាន។

អ្នកគ្រប់គ្រងរូបនោះបានបន្តថា គ្រប់ដំណាក់ការការផលិតមានការត្រួតពិនិត្យពីមន្ទីរជំនាញ ដើម្បីធានាបានថានាវាទាំងនោះអាចប្រើប្រាស់ស្របតាមស្តង់ដា និងប្រកបដោយបច្ចេកទេសត្រឹមត្រូវ។

នាវាដែលក្រុមហ៊ុនផលិត អតិថិជនអាចកុម្ម៉ង់តាមតម្រូវការ ដែលទំហំធំបំផុតអាចចំណុះមនុស្សបាន ១២០ នាក់។

បើតាមអ្នកគ្រប់គ្រងរូបនេះបញ្ជាក់ថា នាវាទេសចរណ៍ដែលក្រុមហ៊ុនបានផលិត តម្លៃថោកជាងនាវានាំចូលរហូតដល់ ៥០ ភាគរយ។ បច្ចុប្បន្នមានក្រុមហ៊ុនក្នុងស្រុកមួយចំនួនបានកុម្ម៉ង់ ដោយគិតមកទល់ពេលបានចំនួនពីរគ្រឿងហើយ។

វីដេអូ៖