បន្ទប់ទឹកជញ្ជាំងកញ្ចក់នៅចិន បត់ជើងបណ្តើរ គយគន់ព្រៃព្រឹក្សាបណ្តើរ

2016-10-05 14:48:13
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទប់ទឹកជញ្ជាំងកញ្ចក់ថ្មីមួយ ដែលមានទីតាំងស្ថិតនៅឧទ្យាន «Shiyan Lake Ecology Park» ក្នុងខេត្ត Hunan ប្រទេសចិន បានផ្តល់ឲ្យអ្នកប្រើប្រាស់នូវការគយគន់ទេសភាពព្រៃព្រឹក្សាដ៏អស្ចារ្យ ខណៈពេលកំពុងតែអង្គុយបត់ជើង។

ជញ្ជាំង ពិដាន និងផ្ទៃខាងក្រោមនៃបន្ទប់ទឹក សុទ្ធតែធ្វើឡើងពីកញ្ចក់ ហើយស្ទើរតែអាចមើលឃើញបានយ៉ាងច្បាស់តែម្តង លើកលែងតែជញ្ជាំងបង្គន់ទេ ដែលមានសភាពស្រអាប់ ដើម្បីការពារអ្នកប្រើប្រាស់ពីការលួចមើល។

គួរបញ្ជាក់ថា បន្ទប់ទឹកដែលអាចឲ្យអ្នកប្រើប្រាស់បត់ជើងបណ្តើរ និងគយគន់ទេសភាពព្រៃព្រឹក្សាបណ្តើរនេះ បានបើកកាលពីថ្ងៃព្រហស្បតិ៍ ទី២៩ ខែកញ្ញា ឆ្នាំ២០១៦ ដើម្បីដាក់ឲ្យប្រើប្រាស់ ឲ្យទាន់ថ្ងៃទិវាជាតិនៃសាធារណរដ្ឋប្រជាមានិតចិន ដែលបានប្រារព្ធធ្វើឡើង កាលពីថ្ងៃទី០១ ដល់ ០៣ ខែតុលា កន្លងទៅនេះ ព្រោះក្នុងអំឡុងពេលថ្ងៃឈប់សម្រាកនោះ ប្រជាជនចិនរាប់លាននាក់ នឹងធ្វើដំណើរកំសាន្តនៅទូទាំងប្រទេស៕