ជី សុផាត៖ "ទំនេរៗ ជួយ Google បកប្រែភាសាខ្មែរ លើអីនធើណិតឲ្យបានច្រើន"

2016-10-07 17:06:34
ចំនួនមតិ 0 | ចំនួនចែករំលែក 0

ចន្លោះមិនឃើញ

"ទំនេរៗ ជួយ Google បកប្រែភាសាខ្មែរដាក់នៅលើអីនធើណិតឱ្យបានច្រើន" ព្រោះនៅលើអីនធើណិតមិនសូវសម្បូរភាសាខ្មែរច្រើនទេ ជាហេតុធ្វើឲ្យពិបាកក្នុងការស្វែងរកពាក្យ ឬឃ្លាណាមួយត្រឹមត្រូវពិតប្រាកដ។ ដូចនេះ ពេលទំនេរៗ ទាំងអស់គ្នាគួររួមគ្នាជួយបកប្រែពាក្យដើម្បីឲ្យមានភាសាខ្មែរកាន់តែច្រើននៅលើបណ្ដាញអីនធើណិត។ នេះបើតាមការស្នើរពី លោកជី សុផាត អ្នករៀបចំព្រឹត្តិការណ៍បច្ចេកវិទ្យា BarCamp។

លោក សុផាត បានប្រាប់ឲ្យដឹងថា "ខ្ញុំចង់ឲ្យមានការចូលរួមចំណែកបកប្រែភាសាជាតិយើងដាក់នៅលើបណ្ដាញអីនធើណិតឲ្យទូលំទូលាយដូចភាសានៅតាមប្រទេសជិតខាងជាដើម"។

លោកបានបន្ថែមថា ការជួយបកប្រែពាក្យឬឃ្លាដាក់នៅលើ Google Translate មិនចាំបាច់ត្រូវចំណាយពេលច្រើននោះទេ គ្រាន់តែឆ្លៀតពេលទំនេរដើម្បីធ្វើ។ ចំណែកឯរបៀបនៃការធ្វើ អ្នកទាំងអស់គ្នា គ្រាន់តែចូលទៅកាន់ Google Translate រួចអនុវត្តតាមការណែនាំជាការស្រេច។

Translate Community ជាមុខងារមួយរបស់ Google ដែលអនុញ្ញាតិឲ្យប្រិយមិត្តអាចចូលរួមបកប្រែពីភាសាអង់គ្លេស មកភាសាខ្មែរ ឬទៅកាន់ភាសាដទៃបានផងដែរ។ ម៉្យាងទៀត Google Translate Community ក៏អនុញ្ញាតិឲ្យអ្នកប្រើប្រាស់ទូទាំងពិភពលោកអាចបកប្រែឃ្លានិយាយ ឬគ្រៀមភាសានៅតាមតំបន់បានផងដែរ។

ដើម្បីបកប្រែ ចុចលើ Link នេះ