ឌូបៃ ជះលុយ១ពាន់លានដុល្លារ សាងសង់អគារខ្ពស់បំផុតលើលោកមួយទៀត
- 2016-10-13 14:27:57
- ចំនួនមតិ 0 | ចំនួនចែករំលែក 0
ឌូបៃ ជះលុយ១ពាន់លានដុល្លារ សាងសង់អគារខ្ពស់បំផុតលើលោកមួយទៀត
ចន្លោះមិនឃើញ
ឌូបៃ បាននិងកំពុងតែចាប់ផ្តើមការសាងសង់ អគារខ្ពស់កប់ពពកមួយទៀត មានឈ្មោះថា «The Tower» ដែលនឹងមានកម្ពស់ខ្ពស់ជាង អគារ Burj Khalifa ដែលបច្ចុប្បន្នជាប់ឈ្មោះជា អគារខ្ពស់បំផុតលើពិភពលោក មានកម្ពស់ ៨២៨ម៉ែត្រ។
អគារ The Tower
សំណង់អគារ «The Tower» ដែលមានទីតាំងក្បែរជម្រកសត្វព្រៃ «Ras Al Khor National Wildlife Sanctuary» ស្ថិតក្នុងទីក្រុងឌូបៃ ប្រទេសអារ៉ាប់រួម នឹងចំណាយអស់ប្រាក់ប្រហែល ១ពាន់លានដុល្លារ ក្នុងការសាងសង់ ហើយអាចឲ្យយើងមើលទេសភាព ៣៦០ដឺក្រេ នៃទីក្រុងឌូបៃទៀតផង។
សេចក្តីថ្លែងការណ៍មួយ ដែលបានចេញផ្សាយ នៅក្នុងពិធីបើកការដ្ឋានសាងសង់នោះ បាននិយាយថា «The Tower» នឹងក្លាយជាអគារខ្ពស់បំផុតលើពិភពលោក (អាចនឹងមានកម្ពស់ ៩២៨ម៉ែត្រ) នៅពេលដែលវាបានសាងសង់បញ្ចប់ នៅក្នុងឆ្នាំ២០២០។
លោក Mohamed Alabbar ប្រធានក្រុមហ៊ុនអចលនទ្រព្យ Emaar Properties ដែលអភិវឌ្ឍគម្រោងមួយនេះ បាននិយាយថា អគារ «The Tower» នឹងបញ្ចប់ការសាងសង់ មុនពេលពិព័រណ៍ពាណិជ្ជកម្មឆ្នាំ២០២០ (Expo 2020) មកដល់ ដែលទីក្រុងឌូបៃ កំពុងរៀបចំធ្វើជាម្ចាស់ផ្ទះ៕
លោក Mohamed Alabbar
អគារ The Tower
អគារ Burj Khalifa (មានកម្ពស់ ៨២៨ម៉ែត្រ)
ប្រែសម្រួល ៖ សេង ឡុង ប្រភព ៖ dailymail