អណ្ដូងព្រេងអច្ឆរិយ ទម្លាក់អ្វីចូល ឃើញវិញនៅកន្លែងផ្សេងចម្ងាយ៥គីឡូម៉ែត្រ
- 2016-10-20 19:50:51
- ចំនួនមតិ 0 | ចំនួនចែករំលែក 0
អណ្ដូងព្រេងអច្ឆរិយ ទម្លាក់អ្វីចូល ឃើញវិញនៅកន្លែងផ្សេងចម្ងាយ៥គីឡូម៉ែត្រ
ចន្លោះមិនឃើញ
នៅក្នុងវត្តកំពង់ព្រះ ស្ថិតនៅភូមិកំពង់ព្រះ ឃុំឆ្នុកទ្រូ ស្រុកបរិបូរណ៍ មានចម្ងាយ៤៤គីឡូម៉ែត្រពីទីរួមខេត្តកំពង់ឆ្នាំង មានអណ្ដូងបុរាណមួយ ត្រូវបានគេឱ្យឈ្មោះថា អណ្ដូងព្រេង ដែលមានរឿងរ៉ាវអាថ៌កំបាំងជាច្រើននៅទីនេះ។
លោកតា ហឹម សារុន ដែលរស់នៅក្នុងភូមិកំពង់ព្រះបាននិយាយថា អណ្ដូងព្រេងនេះ កើតមានតាំងពីយូរណាស់មកហើយ។ ចំណែកឯរឿងទម្លាក់អ្វីចូលហើយឃើញវិញនៅចម្ងាយប្រហែល៥គីឡូម៉ែត្រពីអណ្ដូងនេះ គឺពិតជាមានរឿងដូច្នេះមែន ដោយលោកតាដឹងរឿងនេះ តាមចាស់ៗនៅតំបន់និយាយតៗគ្នាយ៉ាងនេះ។
ចង់ដឹងច្បាស់យ៉ាងណា សូមទស្សនាសម្ដីផ្ទាល់របស់លោកតា៖
សូមបញ្ជាក់ថានៅពេលបច្ចុប្បន្ន អណ្ដូងព្រេងនេះត្រូវបានគេបិទជិតទៅហើយ ដោយការបិទនេះនៅសម័យ ប៉ុល ពត ខណៈដែលស្រុកនៅក្នុងភូមិកំពង់ព្រះនៅតែមានជំនឿនិងប្រាប់ដំណាលរឿងដ៏អស្ចារ្យនេះ ដល់កូនចៅជំនាន់ក្រោយរហូតទៅ៕
អត្ថបទ៖ មុន្នី រម្យ