សមាជិកក្រុមតារាចម្រៀងកូរ៉េស្រីល្បីឈ្មោះម្នាក់ ជាប់គុក ដោយសារដាំ និងជក់កញ្ឆា
- 2016-10-22 22:07:32
- ចំនួនមតិ 0 | ចំនួនចែករំលែក 0
សមាជិកក្រុមតារាចម្រៀងកូរ៉េស្រីល្បីឈ្មោះម្នាក់ ជាប់គុក ដោយសារដាំ និងជក់កញ្ឆា
ចន្លោះមិនឃើញ
តារាចម្រៀងស្រីកូរ៉េវ័យ ២៤ ឆ្នាំម្នាក់ដែលជាសមាជិកនៃក្រុមតារាចម្រៀងស្រីល្បីឈ្មោះមួយ ត្រូវបានអាជ្ញាធរចាប់ខ្លួន និងកាត់ទោសឲ្យជាប់គុក ពីបទដាំ និងជក់កញ្ឆា។
អាជ្ញាធរកូរ៉េខាងត្បូងបានលាតត្រដាងនៅថ្ងៃសៅរ៍នេះថា តារាស្រីដែលមិនត្រូវបានគេបញ្ចេញឈ្មោះសាមីខ្លួន និងក្រុម រូបនេះ ត្រូវបានកាត់ទោសឲ្យជាប់គុក ៦ ខែ និងព្យួរទោស ១ឆ្នាំ ដោយតុលាការក្រុងសេអ៊ូល។
ព័ត៌មាននេះបានក្លាយជាប្រធានបទក្ដៅ និងលេចលើទំព័រមុខនៃសារព័ត៌មានកូរ៉េនៅថ្ងៃសៅរ៍នេះ។ នាងចាប់ផ្ដើមប្រមូលផលកញ្ឆាដែលដាំក្នុងផើងនៅផ្ទះនាងនៅសង្កាត់ Gangnam ទីក្រុងសេអ៊ូល កាលពីខែមករា ២០១៥ និងបន្តរហូតដល់ខែមេសា។ នាងបានជក់កញ្ឆាតាំងពីខែធ្នូ ២០១៥ មកម្ល៉េះ។
បើទោះអាជ្ញាធរមិនបានបង្ហាញអត្តសញ្ញាណនាងក៏ដោយ ក៏មានសេចក្ដីរាយការណ៍ថា នាងស្ថិតក្នុងក្រុមតារាចម្រៀងស្រីដែលមានសមាជិក ៦ រូប ប៉ុន្តែបានដកខ្លួនចេញពីក្រុម ហើយបង្កើតក្រុមថ្មីកាលពីឆ្នាំមុន រួចបានចេញចម្រៀង ១ អាល់ប៊ុម៕
ដោយ៖ សុផាត ប្រភព៖ Koreaboo