ទឹកដោះគោស្រស់ធម្មជាតិ ផលិតនៅកម្ពុជាដំបូងគេ

2016-10-25 21:02:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកចូលចិត្តទឹកដោះគោស្រស់ នេះអាចជាដំណឹងល្អមួយ ដែលនៅកម្ពុជាយើងមានកសិដ្ឋានចិញ្ចឹមគោយកទឹកដោះ ដែលផ្ដល់ទឹកដោះ រសជាតិឆ្ងាញ់ និងស្រស់ៗពីធម្មជាតិ សម្រាប់តម្រូវការ។

តាមការរៀបរាប់ពី លោក Kenny Matthews នាយកប្រតិបត្តិនៃ កសិដ្ឋាន មូមូហ្វាម (Moo Moo Farms) ដែលផលិតទឹកដោះគោស្រស់ៗនៅកម្ពុជានោះ បានឲ្យដឹងថា កសិដ្ឋាននេះបានបង្កើតឡើងរយៈពេលជិតមួយឆ្នាំមកហើយ។ មកទល់ពេលនេះ កសិដ្ឋានផលិតទឹកដោះគោស្រស់ៗដែលយកមកពីគោប្រភេទកូនកាត់មានប្រភពមកពីស្រុកអាមេរិក និងអូស្ត្រាលី អាចផ្ដល់ទឹកដោះបានច្រើន និងមានគុណភាពល្អ។

ទឹកដោះគោធម្មជាតិខាងលើ គឺបានផលិតឡើងដោយឆ្លងកាត់ប្រព័ន្ធអនាម័យ និងការសម្លាប់មេរោគត្រឹមត្រូវ និងមានសុវត្ថិភាព។

នាយកប្រតិបត្តិជនជាតិអាមេរិកដែលអាចនិយាយភាសាខ្មែររូបនោះ បានបន្តទៀតថា សម្រាប់ការឲ្យចំណីដល់គោក្នុងកសិដ្ឋានរបស់លោក គឺមានដូចជាស្មៅ ពោត សណ្ដែក និងគ្រឿងផ្សេងៗទៀតដើម្បីឲ្យគោមានទឹកដោះច្រើន និងមានសុខភាពល្អ។ ដោយឡែកសម្រាប់អ្នកចង់ជាវទឹកដោះគោស្រស់ៗធម្មជាតិនោះ អាចរកទិញបាននៅតាមបណ្ដាផ្សារទំនើបមួយចំនួន ក្នុងតម្លៃសមរម្យ៕