យុវតីវ័យ១៧ឆ្នាំ ដាវ ពីកូនអ្នកក្រ ក្លាយជាថៅកែហាងនំខេកល្បីឈ្មោះនៅបាត់ដំបង

2016-10-26 15:55:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាកូនអ្នកខ្សត់ខ្សោយខ្វះទ្រព្យធន យុវតី ដាវ ឬថៅកែតូច មានអាយុតែ១៧ឆ្នាំប៉ុណ្ណោះ ប៉ុន្តែនាងបានជម្នះឪពុកម្ដាយ ប្រើភាពច្នៃប្រឌិតផ្ទាល់ខ្លួនបើកហាងនំខេក រហូតល្បីឈ្មោះខ្លាំងប្រចាំនៅខេត្តបាត់ដំបង។

យុវតីដែលទើបប្រលងបញ្ចប់សញ្ញាប័ត្រមធ្យមសិក្សាទុតិយភូមិ ឆ្នាំ២០១៦ ថ្មីៗនេះ បានរំលឹកថា ចាប់ផ្តើមមុខរបរនេះដំបូង កញ្ញាមិនទាន់មានលទ្ធភាពគ្រប់គ្រាន់បើកជាហាងនោះទេ គ្រាន់បង្ហោះស្មាដៃខ្លួននៅក្នុងហ្វេសប៊ុកប៉ុណ្ណោះ និងលក់ក្នុងតំលៃសមរម្យ។ នៅពេលមានអតិថិជនបញ្ជាទិញទើបធ្វើ ហើយដឹកឲ្យដល់កន្លែង។ ពេលនោះ ក្នុងមួយថ្ងៃ នាងអាចបានលក់ប្រហែលជា១០នំ។

ពេលសម្លឹងឃើញនំរបស់ខ្លួនមានទីផ្សារបណ្ដើរៗ ដាវ បានប្រមែប្រមូលលុយដែលខ្លួនរកបាន ដើម្បីបើកហាងនំមួយ ដោយចាប់ពីផ្តើមពីតូចទៅធំ ហើយបច្ចុប្បន្ន ហាងនំមួយនេះមានបុគ្គលិក៨នាក់។ ជាមធ្យមក្នុងមួយថ្ងៃៗដាវ អាចលក់បានចន្លោះពី ១០០ទៅ២០០ នំ ប៉ុន្តែបើចំថ្ងៃបុណ្យផ្សេងៗដូចជា បុណ្យអ្នកម្តាយជាដើម អាចលោតដល់៥០០នំក៏មាន។ អ្វីកាន់តែគួរឲ្យចាប់អារម្មណ៏ ម៉ូដនំរបស់ថៅកែតូច សុទ្ធសឹងជាការច្នៃប្រឌិតដោយផ្ទាល់ឯង មិនចំលងពីគេ។

បច្ចុប្បន្ន ពេលនេះយុវតីស្រស់ស្អាតវ័យ ១៧ ឆ្នាំ មានសម្ថភាពរកចំណូល ជួយគ្រួសារឲ្យមានជីវភាពធូធារជាងមុនឆ្ងាយ៕

បទសម្ភាសន៍ទាំងស្រុង៖