មូលហេតុចេតិយលើភ្នំយ៉ាត មានសភាពដូចចេតិយនៅប្រទេសភូមា

2016-10-28 20:59:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ចេតិយភ្នំយ៉ាត ឬ អង្គចូឡាមណីចេតិយដ៏ធំមួយនៅលើភ្នំយ៉ាត មានសភាពដូចទៅនឹងចេតិយនៅប្រទេសភូមា (មីយ៉ាន់ម៉ា) ខ្លាំងណាស់ ធ្វើឱ្យអ្នកដំណើរមួយចំនួនដែលមិនសូវបានដឹងរឿងពិត មានការងឿងឆ្ងល់ជាខ្លាំង។

ការពិតទៅ បើតាមចាស់ៗនៅលើវត្តបានដំណាលថា មូលហេតុនៅពីក្រោយនៃរូបចេតិយនេះគឺដោយសារតែជនជាតិកូឡា (ភូមា) គឺជាអ្នកសាងសង់វាឡើង ដោយមានគោលបំណងដើម្បីតម្កល់ព្រះសារីរិកធាតុរបស់ព្រះពុទ្ធ។ វាត្រូវបានសាងសង់ឡើងក្នុងសតវត្សទី១៩ នាឆ្នាំ១៩២៥ ហើយក៏ធ្លាប់បានធ្វើការជួសជុលនៅឆ្នាំ២០១០ម្ដងមកហើយ។ សំណង់ចេតិយនេះ មានកំពូល៥ ក្នុងនោះកំពូលកណ្ដាលធំជាងគេ មានកម្ពស់រហូតដល់ទៅ២៧ម៉ែត្រ ទទឹង១៦ម៉ែត្រ និងមានកំពូលតូចៗ៤ទៀត មានកម្ពស់៤,៥ម៉ែត្រ ទទឹង១,៥ម៉ែត្រ។

ដោយសារតែមានចេតិយនេះ ក៏ដូចជាបារមីរបស់លោកយាយយ៉ាតនៅលើភ្នំផងនោះ ទើបបានជាមួយថ្ងៃៗ មានអ្នកទៅបួងសួងសុំសេចក្ដីសុខនៅភ្នំយ៉ាតច្រើនមែនទែន ទាំងភ្ញៀវមកពីក្រៅស្រុកនិងក្នុងស្រុកផងដែរ៕