Rolls-Royce ចេញឈុតឡានបើកដំបូលថ្មី
- 2016-10-31 21:01:43
- ចំនួនមតិ 0 | ចំនួនចែករំលែក 0
Rolls-Royce ចេញឈុតឡានបើកដំបូលថ្មី
ចន្លោះមិនឃើញ
ក្រុមហ៊ុន Rolls-Royce បានបង្ហាញរូបរាងឈុតថ្មីរបស់រថយន្តប្រភេទបើកដំបូល Rolls-Royce Dawn ដែលមានរចនាផ្នែកខាងក្នុងបានយ៉ាងល្អប្រណិត។
ឈុតថ្មីនេះមានឈ្មោះថា “Inspired by Fashion” ដោយមានជា ៣ ពណ៌ខុសគ្នា រួមមានពណ៌ក្រហម ទឹកក្រូច និង ពណ៌ខៀវ ហើយនៅផ្នែកខាងក្នុងមានលាយដោយពណ៌ ស ជាគោល។ ក្រុមហ៊ុនរថយន្តរបស់អង់គ្លេសមួយនេះបានប្រើបច្ចេកទេសដេរដ៏ពិសេសដើម្បីស្រោបចង្កូតរថយន្តដោយសារធាតុស្បែក។ នៅផ្នែកខាងក្នុងនៃទ្វាររថយន្តមានដេរភ្ជាប់ដោយក្រណាត់សូត្រក្រឡាល្អិតៗថែមទៀតផង។
ដើម្បីបង្កើតឈុតថ្មីនេះឡើងក្រុមហ៊ុន Rolls-Royce បានសហការជាមួយអ្នករចនាម៉ូដជាច្រើនលើពិភពលោករួមមានអតីតបុគ្គលិកក្រុមហ៊ុនសំលៀកបំពាក់ Mulberry, អ្នកជំនាញខាងបច្ចេកទេសស្បែកសត្វ Michelle Lusby និងអ្នកជំនាញរចនាម៉ូដ Cherica Haye។
ខាងក្រុមហ៊ុន Rolls-Royce មិនទាន់បានបញ្ជាក់ពីកាលបរិច្ឆេទចេញលក់ តម្លៃ រួមទាំងចំនួនផលិតរបស់រថយន្តឈុតពិសេសនេះនៅឡើយទេ៕
ចុចអាន៖ ដើមកំណើតរថយន្ត Range Rover
ប្រែសម្រួល៖ ហៃ សុខហេង ប្រភព៖ dezeen
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
