ចិនបង្ហាញយន្តហោះបំបាំងកាយថ្មី សង្ស័យផលិតតាមយន្តហោះចម្បាំងអាមេរិក
- 2016-11-01 18:33:59
- ចំនួនមតិ 0 | ចំនួនចែករំលែក 0
ចិនបង្ហាញយន្តហោះបំបាំងកាយថ្មី សង្ស័យផលិតតាមយន្តហោះចម្បាំងអាមេរិក
ចន្លោះមិនឃើញ
សព្វាវុធថ្មីរបស់កងទ័ពអាកាសប្រទេសចិនដែលជាយន្តហោះបំបាំងកាយ (អាចបំបាំងកាយពីប្រព័ន្ធរ៉ាដា) ម៉ូដែល J-20 នឹងចាប់ផ្ដើមធ្វើការហោះហើរជាសាធារណៈនៅសប្ដាហ៍នេះហើយ។
J-20
ទាក់ទងនឹងយន្តហោះចម្បាំងនេះដែរមានរឿងរ៉ាវចម្រូងចម្រាសមួយ ដោយកន្លងមកមានការចុះផ្សាយថា គំនិតនៃការផលិត J-20 នេះគឺបានមកពីគម្រោងការផលិតយន្តហោះចម្បាំងរបស់អាមេរិក ដែល Hacker ចិនបានលួចយកមក។ ប៉ុន្តែការលើកឡើងនេះត្រូវបានជំទាស់មិនទទួលស្គាល់ពីខាងភាគីចិន។
ខាងឆ្វេង F-35 និង ឆ្វេង F-22
ដោយឡែកកាលពីដើមឆ្នាំនេះបុរសសញ្ជាតិចិនវ័យ ៥១ ឆ្នាំមួយរូបមានឈ្មោះ Su Bin ត្រូវបានបញ្ជូនទៅមន្ទីរឃុំឃាំងពីបទលួចយកឯកសារយោធាសហរដ្ឋអាមេរិក ហើយថែមទាំងបានបញ្ជូនឯកសារនោះទៅកាន់ក្រុងប៉េកាំង ប្រទេសចិន។ ឯកសារយោធានោះត្រូវបានគេដឹងថាមានរួមបញ្ចូលផែនការសម្រាប់យន្តហោះចម្បាំង F-35 និង F-22 ដែលជាសព្វាវុធមានសមត្ថភាពខ្លាំងក្លា។
J-20
ក្រឡេកទៅស្វែងយល់ពីយន្តហោះ J-20 របស់ចិនឯណោះវិញ មានភាពរហ័ស, អាចបំបាំងកាយពីប្រព័ន្ធរ៉ាដា និង មានបំពាក់ដោយគ្រាប់មីស៊ីលរយៈចម្ងាយឆ្ងាយ ដែលអាចជួយពង្រឹងកម្លាំងចិននៅក្នុងតំបន់អាស៊ីបានកាន់តែខ្លាំងមួយកម្រិតទៀត៕
ចុចអាន៖ អាមេរិកត្រៀមយន្តហោះចម្បាំងជាង ២០ប្រភេទ សម្រាប់សង្គ្រាមលោកលើកទី៣
ប្រែសម្រួល៖ ហៃ សុខហេង ប្រភព៖ DailyMail