វីដេអូមិត្តប្រុសសុំរៀបការ ស្ទះចរាចរណ៍ពេញមួយក្រុង

2016-11-07 16:23:21
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសម្នាក់បានស្នើសុំមិត្តស្រីរៀបការកណ្ដាលផ្លូវបែកជាបួនដ៏មមាញឹកមួយនៅប្រទេសហ្វីលីពីន ដោយបានកែប្រែចរាចរណ៍ដែលធ្លាប់តែទៅមកយ៉ាងរលូន មកជាស្ទះណែនណាន់តាន់តាប់អស់រយៈពេលជាច្រើននាទី។

ទាំងអ្នកបើកបរម៉ូតូ រថយន្ត និងថ្មើរជើងមានការអន្ទះសា ចង់ដឹងចង់ឃើញថាមូលហេតុអ្វីបានជានៅសុខៗស្រាប់តែប៉ូលិសបិទផ្លូវទាំង៤ទិស ដោយមិនបានជម្រាបសាធារណជនឲ្យដឹងជាមុន។ ប៉ុន្តែពេលគេសម្លឹងទៅមើលទៅមុខ គេឃើញគូស្នេហ៍មួយគូបានឈប់ម៉ូតូកណ្ដាលផ្លូវប្រសព្វគ្នានៅទីក្រុង Calamba ខេត្ត Laguna រួចមានក្បួនម៉ូតូធំៗជិះជុំវិញអ្នកទាំងពីរ។ បន្តិចក្រោយមក គេឃើញមិត្តប្រុសខាងលើ បានលុតជង្គង់បំពាក់ចិញ្ចៀនមិត្តស្រីតែម្ដង។

លោក Mikki ជាសមាជិកក្រុមអ្នកជិះម៉ូតូធំបានស្នើឲ្យមិត្តភ័ក្ដិរបស់ខ្លួនជួយធ្វើក្បួនឲ្យមិត្តស្រី នាង Cheann ភ្ញាក់ផ្អើល។ បើតាមក្មួយបុរសរូបនេះ គឺលោក Villanueva និយាយថា ពួកគាត់បានស្នើសុំការអនុញ្ញាតពីអាជ្ញាធរបិទផ្លូវបែកជាបួនខាងលើពីរបីនាទី និងទទួលការយល់ព្រមហើយ។ ទោះជាយ៉ាងណា លោកបានសុំអភ័យទោសសាធារណៈជនដែលរំខានខ្លះផងដែរ៕ សូមទស្សនាវីដេអូ ខាងក្រោម៖