"បងឆ្លាត" កម្មវិធីថ្មី ស្វែងរកការបញ្ចុះតម្លៃតាមហាង

2016-11-08 08:01:47
ចំនួនមតិ 0 | ចំនួនចែករំលែក 0

ចន្លោះមិនឃើញ

"បងឆ្លាត" ជាកម្មវិធីសម្រាប់ស្វែងរកការបញ្ចុះតម្លៃ បង្កើតឡើងដើម្បីជួយសម្រួលដល់អ្នកដែលនិយមស្វែងរកការទិញទំនិញបញ្ចុះតម្លៃនានាដូចជា នៅភោជនីយដ្ឋាន ហាងកាហ្វេ ហាងលក់វត្ថុអនុស្សាវរីយ៍ជាដើម។

កញ្ញា ស្រ៊ាង សម្ជស្សវត្តី សមាជិកក្រុមបង្កើតកម្មវិធី BongChhlat នេះបានឲ្យដឹងថា ដើម្បីទទួលបានការបញ្ចុះតម្លៃ អ្នកប្រើប្រាស់គ្រាន់តែដោនឡូតយកកម្មវិធីនេះ រួចធ្វើការបំពេញព័ត៌មានផ្ទាល់ខ្លួនមួយចំនួន រួចស្វែងរកហាងដែលមានការបញ្ចុះតម្លៃ (ដូចរូប) ឬ ចុចនៅទីនេះ បន្ទាប់ស្កេនបាកូដ ដើម្បីបានការបញ្ចុះតម្លៃជាការស្រេច។

កម្មវិធីនេះ តម្រូវឲ្យអ្នកប្រើប្រាស់ស្វែងរកហាងដែលមានការបញ្ចុះតម្លៃ តាមរយៈផែនទីដែលមាននៅក្នុងកម្មវិធី។ វាអាចជួយបង្កើត Digital discount, loyalty card ដែលធ្វើឲ្យអ្នកប្រើប្រាស់មិនចាំបាច់ដាក់កាតទាំងនោះតាមខ្លួន ឯការផ្ដល់ដំណឹងពីហាងដែលមានការបញ្ជុះតម្លៃ នឹងទទួលបានពិន្ទុពីហាងដែលអ្នកប្រើប្រាស់បានទៅពិន្ទុទាំងនោះ ហើយអាចប្ដូរយករង្វាន់ផ្សេងៗបានផងដែរ។

ហាងដែលមានបញ្ចុះតម្លៃដូចជា BOTAYA Village, BUDAPEST Coffee, K.E Coffee, YORCHATA Drinks, Cafe Soleleil BKK 1 និងមានហាងជាង ៣០ ទៀតដែលបានសហការផ្ដល់ព័ត៌មានពីការបញ្ចុះតម្លៃដាក់លើកម្មវិធីនេះ។ លោក យ៉ន សិរីបុត្រ អ្នកផ្ដល់ព្រឹក្សាកម្មវិធី BongChhlat បញ្ជាក់៕