ស្ទឹងតារាបអតីតកន្លែងជីកត្បូងរបស់ខ្មែរក្រហម

2016-11-08 23:23:00
ចំនួនមតិ 0 | ចំនួនចែករំលែក 0

ចន្លោះមិនឃើញ

“ច្រើនឆ្នាំមកហើយប្រជាជននៅទីនេះនៅតែបន្ដរបរជីកត្បូងលក្ខណៈគ្រួសារនៅស្ទឹងតារាប។ តែរដូវវស្សាទឹកធំគេមិនជីកទេ លុះដល់រដូវប្រាំងទើបគេចាប់ផ្ដើមជីករកត្បូង"។ នេះជាការរៀបរាប់របស់ លោក ពីង ផល្លា អ្នកនាំភ្ញៀវនៅ ម៉េម៉ូរីយ៉ា ផាលេស និង រីសត ប្រាប់ក្រុមការងារ "ផ្លូវទៅស្រុក" កាលពីពេលថ្មីៗនេះ។

*លោកពីង ផល្លា អតីតជាអ្នកជីកត្បូង និងជាអ្នកនាំភ្ញៀវនៅម៉េម៉ូរីយ៉ាផាលេស*

អតីតជាអ្នកជីកត្បូងនៅស្ទឹងតារាប លោក ពីង ផល្លា បាននិយាយថា នៅតំបន់នេះគេជីកត្បូងជាលក្ខណៈគ្រួសារ ហើយស្ទើរតែទាំងអស់គឺជាកូនខ្មែរក្រហម។ "តាំងពីដូនតាមកហើយពួកគាត់ជីកត្បូងនៅទីនេះ ប៉ុន្តែមិនមែនទ្រង់ទ្រាយធំអីទេ គ្រាន់តែបានតិចៗគ្រាន់ចិញ្ចឹមជីវិត"។

តើត្រូវប្រើប្រាស់ឧបករណ៍អ្វីខ្លះដើម្បីជីកត្បូង? មានត្រឹមកញ្ច្រែង ដែកស្បែង និងប៉ែល គឺអាចជីកដីជម្រៅបានត្រឹម១ម៉ឺត្រកន្លះចុះក្រោម នឹងប្រទះត្បូងមានតម្លៃហើយ។ "ខ្ញុំក៏ធ្លាប់ជីកបានដែរ ហើយខ្ញុំកាលនៅក្មេងខ្ញុំរកបានច្រើនជាងគេគឺពេលយកទៅលក់បាន ៥០ដុល្លារ ៥០ដុល្លារគឺច្រើនហើយសម្រាប់ខ្ញុំ"។ នេះជាការរៀបរាប់របស់លោក ពីង ផល្លា។

មិនមែនមានតែនៅតំបន់ស្ទឹងតារាប ស្ថិតនៅសង្កាត់ទួលល្វា ក្រុងប៉ៃលិន ខេត្តប៉ៃលិនទេ គឺមានច្រើនកន្លែងទៀតដែលគេជីកត្បូង ប៉ុន្ដែ ឥឡូវមិនសូវមានច្រើនដូចមុនទេ។ លោកពីង ផល្លា និយាយ។

ចង់ដឹងពិស្ដារចុចទស្សនាវីដេអូខាងក្រោម៖