វឌ្ឍនាកា ល្បីដល់ Fox Sports ប្រៀបធៀបនឹង CR7 និង Neymar

2016-11-15 03:20:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុស្តិ៍ទូរទស្សន៍កីឡាលំដាប់អន្តរជាតិ Fox Sports Asia ថ្មីៗនេះបានចុះផ្សាយពី ចាន់ វឌ្ឍនាកា ដោយចាត់ទុកកីឡាកររូបនេះ ជាកម្លាំងសំខាន់របស់ក្រុមជម្រើសជាតិ ដូចទៅនឹងកីឡាករ Cristiano Ronaldo របស់ជម្រើសជាតិព័រទុយហ្គាល់ និង Neymar របស់ជម្រើសជាតិប្រេស៊ីល។

ប៉ុស្តិ៍ទូរទស្សន៍កីឡាខាងលើដដែលបានរៀបរាប់ពី កីឡាករឆ្នើមរបស់កម្ពុជា ថា ចាន់ វឌ្ឍនាកា ឬ CV11 មានទេពកោសល្យក្នុងការលេងបាល់ទាត់យ៉ាងកម្រ រួមផ្សំនឹងបច្ចេកទេសលេងយ៉ាងល្អ កត្តាទាំងនេះធ្វើឲ្យរូបគេទទួលបានការទុកចិត្ត និងគាំទ្រដូចនឹង កីឡាករ Super Star ល្បីៗរបស់អឺរ៉ុប។

Fox Sports Asia បានបន្ថែមទៀតថា CV11 នឹងក្លាយជាកម្លាំងសំខាន់សម្រាប់អ្នកចម្បាំងក្រុងអង្គរ ប្រកួតពានរង្វាន់ AFF Suzuki Cup 2016 នៅប្រទេសមីយ៉ាន់ម៉ានាពេលខាងមុខនេះ។

គួររំលឹកផងដែរថា ចាន់ វឌ្ឍនាកា កីឡាករឆ្នើមរបស់កម្ពុជាបានទទួលពានរង្វាន់កីឡាករឆ្នើមវ័យក្មេងក្នុងឆ្នាំ២០១២ និងជាអ្នកស៊ុតបញ្ចូលទីច្រើនជាងគេក្នុងពានរង្វាន់ Hun Sen Cup នាឆ្នាំ២០១៣៕