អ្នកប្រាជ្ញរូបសាស្ត្រ៖ យើងសល់ពេល ១ ពាន់ឆ្នាំទៀតប៉ុណ្ណោះលើផែនដី

2016-11-18 07:36:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រាជ្ញរូបសាស្ត្រដ៏ល្បីឈ្មោះលោក Stephen Hawking បានលើកឡើងច្រំដែលថាវិធីតែម្យ៉ាងគត់ដែលជួយឲ្យមនុស្សលោកគេចផុតពីការផុតពូជគឺការតាំងទីលំនៅលើភពផ្សេង ដោយពេលវេលាកាន់តែខើចទៅហើយ។

អំឡុងពេលឡើងថ្លែងសុន្ទរកថាកាលពីថ្ងៃអង្គារនៅសកលវិទ្យាល័យអង់គ្លេស Oxford University Union លោក Stephen បានរៀបរាប់លម្អិតពីប្រវត្តិសាស្រ្តនៃការយល់ដឹងរបស់មនុស្សជាតិអំពីសកលលោកនេះ និងបានរំលឹកឡើងវិញថា អនាគតរបស់មនុស្សជាតិស្ថិតនៅឯលំហអាកាស។

លោកបានសង្កត់ធ្ងន់ថា ៖ "យើងត្រូវតែបន្តដំណើររុករកនៅលំហអាកាសដើម្បីអនាគតមនុស្សជាតិ។ ខ្ញុំគិតថាពួកយើងអាចរស់នៅលើភពផែនដីដ៏ផុយស្រួយនេះបានតែ ១ ០០០ ឆ្នាំទៀតប៉ុណ្ណោះ"។

ភព Proxima-B ដែលអ្នកវិទ្យាសាស្ត្រជឿជាក់ថាអាចទ្រទ្រង់ជីវិតមនុស្សបាន

នេះមិនមែនជាលើកទីមួយឡើយដែលអ្នកប្រាជ្ញរូបសាស្ត្ររូបនេះណែនាំឲ្យមនុស្សលោកចាកចេញពីភពផែនដីដើម្បីកុំឲ្យផុតពូជ។ លោកធ្លាប់បានលើកឡើងថានៅពេលមនុស្សចេញទៅដល់លំហអាកាស ឬ ទៅដល់ដួងតារាដទៃទៀត នោះគ្រោះមហន្តរាយដែលកើតមានលើផែនដីនឹងមិនធ្វើឲ្យមនុស្សផុតពូជឡើយ៕

ចុចអាន៖ ចិន ផលិតសម្រេចមេដែកទាញខ្លាំងជាងទំនាញផែនដី ២០ ម៉ឺនដង

ប្រភព៖ USAtoday ប្រែសម្រួល៖ សុខហេង